I lenei vaitau o le soifuaga ua iai, ua tau fai saili manuia uma aiga i galuega aua le fesoasoani a ii le tausiga o aiga ma fanau.

Ma e moni lava i le tele o mea fai ma taugata le soifuaga ae e faia lava e tagata mo se manuia o fanau, o le ala foi lea o le saili ina ia maua ni seleni se tele.

 Mo le tama ia Aunese Alema, 32-tausaga le matua mai le afioaga o Luatuanuu o lona manaoga ina ia maua sana galuega e fesoasoani a ii lona aiga ma le la fanau e to’alua.

“Sa ou faigaluega muamua ae ua mafua ona ou nofo ona sa omai matua o lo’u toalua ma matou nonofo faatasi ia ua ou nofo aua ua leai seisi e faia feau o le aiga” o lana tala mai lea i le Fofoga o Samoa.

“O le galuega la o lo’o faia i le taimi nei, o le galuea’ina o le maumaga mo le aiga mo meaai i aso uma

“Taugata le soifuaga ma o le tele o nisi o aiga ua e gafatia ona ua maualuga le tau o le soifuaga ma o le ala foi lea ua ou naunau ai e saili sa’u galuega

“E leai seisi o le aiga e faigaluega e o’o foi i le tina o le aiga pau lava le ma galuega o lo’o fai nei o le galue i le faatoaga mo se meaai ae o le tupe ma ii le faatoaga e faatau ai se meaai mo le afiafi

“Sa ou gaue o se kamuta ma sa feololo lava sina seleni na maua ma sa fasoasoa lelei lava ao lenei taimi ua toatele le aiga ua toe manatu ai e saili seisi galuega fou

I le galuega lava ia o le tausi-aiga na taua e Aunese e ese le faigata

“Faigata aua na’o ia lava lea o lo’o faia le galuega o le galue i le faatoaga ma o lo’o faamoemoe mai foi lo’u aiga ia te au i galuega i aso uma

“O seleni uma foi mea uma o le olaga, lenei vaitau  fai o mea faale-aiga o mea faale-lotu ma le nuu o pili o le vai ma le eletise

‘Ma e leai ma seisi o tatou e mafai ona ‘aloese mai ai aua ua masani ai lava o tatou tagata

“Ma ua lagonaina foi le toatele o tagata ua faitio ae ia te au lava ia aua tatou te faitio ae ia galue lava mo aiga

Faaalia e e tama ia Aunese e na te tali lava soo se galuega o le a tuuina atu e se tasi o le a ofoina atu mo ia

“O le manaoaga lava lena lea e iai ia vave maua le galuega o le a lava le seleni e maua mai ai e talia lava

“O le naunautaiga o le loto ina ia maua sina seleni e faatino ai manaoga o aiga aemaise foi o le tilotilo a ii le lumanai ma mea fai.