E ui lava i lu’itau ma faafitauli, ae o lea foi ua toe faaali mai e le lakapi liki le ala i luma e tusa ai ma le tulaga e tatau ona i ai taaloga faitauina faava-o-malo. O lea matou te talanoa atu e uiga i le faaiuga a pulega o loo i totonu o le taaloga e faa-avanoa ai le toatele o tama taalo iloga a le NRL mo taaloga faitauina a le Pasefika i le faaiuga o le vaiaso talu a ii Parramatta. 

Se’ia vagana ai se vaega to’aitiiti o tama taalo ia sa le mafai ona auai mo se mafuaga e tasi pe lua-e aofia ai Anthony Milford-ae sa lava tama taalo lelei i itu uma e taofi ai  le fiafia o le ‘aumaimoa ma le faaiuga-ua manino mai ai o le lakapi liki o se taaloga lea ua manino mai- o ia lea na manumalo.

O le mea moni, o le malosi mo Samoa, Tonga, Fiti ma Papua Niu Kini ona filifili ni tama taalo liki e sili ona lelei o loo i le paneta ina ia mafai ai ona latou taufetuli atu i lanu a o latou atunuu na maua ni taaloga uiga ese se lua lea o le a tatou manatua pea i le lumana’i. 

O le taaloga muamua na faia’ina ai Fiti ia Papua Niu Kini. O le mea moni-e faigofie ona manatua le Toa Samoa, aemaise ai lava le taimi na latou manumalo ai. Ma e leai se isi faalogoga e sili ona suamalie i lo le vaai atu i le tatou Toa Samoa o tuuina atu ia Mate Ma’a mai Tonga se ituaiga o sasa mai aso ua leva.

Ua lelei-ae atonu o le upu sasa ua na una’ia lea tulaga ae suamalie tele le manumalo-pe afai o oe o se Samoa. A’o lumana’i ai lea taaloga, sa matou talanoa atu e uiga i le tala faasolopito o taua i le va o ia malo e lua.

Sa matou talanoa atu e uiga i ni malo mitamita se lua ia e le mafai ona solomuli i le vevela o le taua.  Ma o le tulaga moni lena na matou vaaia i le po o le Aso To’ana’i-a’o tapua’i filemu le malo atoa ma tagata ua pulaloa ia latou Televise e lagolago le latou ‘au-taalo.

Sa vaaia ai le mitamita, faapalepale, faatiga ma le anoano o pu’e uiga ese. O se fetaia’iga uiga ese i le taimi lava na alu atu ai le upu-amata loa. Sa i ai se feteenaiga mai le taimi sa le tilotilo ai ‘au i lalo, o a latou siva tau i le faagasologa atoa se’ia o’o lava i le faaili mulimuli.

O se taaloga e manaia i le matamata. O le itu sa sili ona mata’ina o le ituaiga o tama taalo sa aafia ai ma le tele o le eseesega na latou aumaia i lea taaloga.

Talu ai ona o tama taalo uma lava ua i ai lo latou tomai faa-NRL, o le pogai lea na maua ai le faagasologa lelei, o nisi o ona vaega e mea faata’ita’i ma e matua tele le ituaiga o lakapi lelei na latou faatinoina.

A faatusatusa lena i se taaloga o loo auai ni tagata taalo taatele ma ou te faamaonia ia te outou e faapea o le tulaga o sea taaloga faapea semanu e matua tuu-faafeagai lava. Semanu e matua faatiga lava ia i tatou ma o tatou mafaufau. 

O lea la tulaga e toe avatu ai tatou i tua i le mataupu e uiga i le faa-avanoaina o nei tama taalo iloga-aemaise ai lava pe afai e le o  mana’omia i latou e atunuu e pei o Ausetalia ma Niu Sila. O se mea lenei e mafai ona aoaoina e le lakapi iuni mai le lakapi liki.

Mafaufau la i na tama taalo uma e i ai o latou tupuaga Samoa-o loo i totonu o le Super rugby –e le o manaomia e le Olopeleki ma le Wallabies mo a latou ‘au mo taaloga faitauina-e faaavanoa mai e ofu le ofu taalo lanumoana o le Manu Samoa.

O le a se eseesega tele e ono tupu mai ai?  

E leai se tulaga masalosalo i o matou mafaufau e faapea o le faia’oga o Namulauulu Alama Ieremia o le ‘au a le Manu Samoa mo lenei tausaga ua na iloa le anoano o le eseesega pe afai o le tulaga lea o loo i ai.

E anoano tama taalo ia e mafai ona avea ma sui o Samoa, Tonga, Fiti ma isi malo laiti, ma latou faia ai le taaloga e avea ma mea e sili ona uiga ese i le matamata. Ua outou silasila la, e le tatau ona tatou faitioina le faaiuga a tama taalo Samoa ia ua latou filifilia ia atunuu ona o ni mafuaga ua manino mai.

E le o se mea e faigofie e tusa ai ma o tatou manatu. Ae peitai-a ititi mai ua tatau ona faasa’o e pulega o le lakapi liki lea tulaga e ala i le tatala mai o le vaega toatele o tama taalo e fai ma sui o se atunuu ua latou filifilia.

Ma o lea tulaga ia te a’u o se mea sa’o. O se mea sa’o lea e tatau ona fai. O lenei tulaga e mafai ai ona fai se sao i le atiina a’e o le taaloga ma le faateleina o le fiafia o tagata e lagolagoina ma e maimoa i le salafa o le lalolagi ia e fia vaai i nisi taaloga faitauina se tele. 

E leai se tasi e fia vaai i se taaloga mataga, ae taatia ai pea se taaloga e tasi e faatino e ni tagata taalo tau a’oa’o pe a tatou iloa o loo i ai ni tama taalo e sili atu ona lelei e mafai ona latou aumaia ia i tatou se taaloga lelei.

Tatou te fia vaai uma lava i se taaloga e sili ona lelei ma se taaloga faitauina o le liki i le Aso Toanai ua tuuina mai ma nisi lava taaloga. O se faaaliga matagofie  mo le taaloga, ma le tulaga e sili atu o le faailoa mai lea o le taalo e sili ona lelei o i tama taalo ia o lo matua mitamita i o latou sootaga tau toto.

E leai se tulaga masalomia e faapea o lenei mafaufauga o le lakapi liki e faatoa mafai ona faaleleia ma faateleina. Ua faigata ona matou faatali. 

O le talanoaina la o mafaufauga, o le faalauiloa e faapea o le a talimalo Samoa ia Fiti ia Oketopa i le taaloga lea o le a avea ma taaloga liki faitauina faava-o-malo i lo tatou atunuu o se tala fou uiga ese lea.  Tatou talosia o le vaega toatele o tama taalo na tatou vaaia i le taaloga o le Aso To’ana’i o le a mafai ona malaga mai mo lea taaloga.  

.Ae o le tala faanoanoa, ua uma ona lipotia mai e faapea o tama taalo o le Toa Samoa sa le totogiina mo a latou taumfaiga e faasaga ia Tonga. O se tulaga lena e faanoanoa ai, o le matua gaoi lava i le aoteatea, pe afai e moni ia lipoti.

E le tatau ona tatou faatagaina le tupu mai o lenei mea. E anoano le taua o lea tulaga mo Samoa e ausia ai nisi tulaga i totonu o lenei taaloga. E ui ina matou talitonu o le pulega o le lakapi liki faava-o-malo e tatau ona sili atu nisi mea latou te fai, ae i totonu o le atunuu-e le tatau ona tatou malolo faapea ua uma.

Matou te talitonu e tatau ona oso i totonu le malo e fesoasoani i le faatupeina o lenei taumafaiga.  O le toatele o ia tama taalo atonu o le a latou le maua ni mea se tele mai lenei fuafuaga-ae ua matou iloa o le mea sa’o lea e tatau ona fai. Latou te tuuina mai mea mo lo latou atunuu ma o se mea e sili ona faatauvaa e tatau ona latou maua o se faailoga ititi lea e faaalia ai la tatou faafetai tele. Malo lava le tauivi, Toa Samoa!