Olaga faigata

By Ilia L Likou 12 April 2018, 12:00AM

E le’o faigofie le olaga o lo’o ua feagai nei ma Akelei Tauevatuloto.

Na ia fa’ailoa i le Fofoga o Samoa le faigata ua i ai nei ona o le leai o se suavai maua, leai se eletise ma e le’o se tulaga lelei foi le fale o lo’o ua aga’i ai nei.

E to’alua ona alo ma ua tete’a ma le tina o le aiga ma o le taimi lenei o lo’o ua nofo nei e tausi matua.

Na ia fa’ailoa o le taimi lenei o lo’o ua ave lava le fa’amuamua mo le tausiga ai lea o ona  matua.

‘Ia e pei ona fa’ailoa atu muamua o se tulaga faigata tele o lo’o ua feagai nei ma le aiga ona o le fale le taua e le lelei se tulaga o lo’o ua i ai nei.

“O si o’u tama ua 79 le matua ma le tina ua 76, ma o se tulaga faigata tele ona o le matutua ua o’o ai lo la’ua soifua.

“Iae pei o a’u lava o lo’o ua gafa nei ma le tausia ai o le aiga aemaise ai o nai matua i le taimi lenei.

“Ia o lo’o i ai lava nai laupapa i le taimi lenei ae o le fa’alavelave ia e le lava le tupe mo ni sima mo lona fausiaina.

“Ia e leai se galuega ma o lo’o ua fa’alagolago tele i le fa’ato’aga i le taimi lenei mo le tausia o le aiga.

‘Ia ae moni lava e pei lava o le galuega o se itu taua tele lea e tatau lava ona maua.

‘Aua  ua o tatou iloa uma lava le taugata o le soifuaga ma o tupe lava mea uma.

“Ia o nisi o fua fa’aele’eleaga e avatu mo le fa’atauina ia pe $40 le tupe e maua mai ai.

“Ia e pei o vaega uma nei e ala ona fa’atino e mo le tausia ai o le aiga mai lea aso i lea aso aemaise matua ma fanau.

By Ilia L Likou 12 April 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>