Fa’aalia e se tina, 23 le matua o lona soifua e igoa ia Sina Fa’avae mai Lelata le faigata o le soifuaga ua iai mo latou.

Sa tau’a e Sina i le Fofoga o Samoa, o le nofoaga o lo’o nonofo ai nei, sa maualalo ao na maua le fesoasoani mai le nu’u e toe tu’uina ai luga le fa’avae o le fale. 

“E mana’omia lava se fesoasoani e fa’amautu ai le fa’avae o le matou fale ina ia sefe ai fo’i matou ma le vai pea tetele timuga.

Na ta’ua e Sina e le’o se mea faigofie le tausiga o le aiga.

“O ma’ua ma lo’u to’alua e feagai ma le faiga o mea’ai aua ma le va’aiga o le fanau ma momoli i le aoga.

O matua o Sina e faigaluega uma, ma o laua e fa’amoemoe ai le aiga i mea tau seleni. O lona tama e 52 le matua o le soifua ma lona tina e 42 le matua.

E lagona lava le loto popole o Sina, aua o ona matua ua matutua ma e tatau ona malolo fo’i laua mai galuega ae peita’i o lo’o galulue pea aua se seleni e maua mo le fa’atauina o mea’ai.

O le galuega o lo’o fesoasoani ai Sina i lona aiga o le tau atina’eina o ma’umaga aua le fa’aolaina o talo ma isi mea mata mo mea’ai pea leai le lava le tupe fa’asoa.

O lesi fa’afitauli e feagai ma lenei aiga, o le leai o se eletise.

Sa ta’ua fo’i e Sina le Matagaluega o Eletise aua lenei mataupu o le tau fa’aolaina o le latou eletise

“Sa fa’afeso’ota’i l E.P.C. i lenei mataupu ma sa latou fa’apea mai e totogi muamua le tupe e fai ai le su’esu’ega pe e mafai ona fa’aola se eletise i lenei nofoaga ma e $300 le tupe sa alu ai i le totogiina.

“Ia o se tupe tele na sa alu ese atu ae sa matou fa’amuamua pea i le eletise aua matou te mana’omia.

“E mo’i a sa taugata ae sa totogi pea, ia o lea a la e fa’atali po’o fea ua o’o ai le galuega a le matagaluega.

“O lo’o matou taumafai pea i mea ua matou maua lenei taimi ae matou te talosagaina le fa’aolaina o le matou eletise.”

Samoa e, a e fia fesoasoani ia Sina Fa’avae ma lona aiga, e maua o ia i le numera 7757652.