Le mafai ona fa’aauauina ta’aloga ale ta’ito’afitu a Malisi i le Apia Park

Tusia Deidre Tautua-Fanene ,

88 Hits

Se va’aiga i luma o le apia Park i faiga le alofa a le afā o Gita.

Se va’aiga i luma o le apia Park i faiga le alofa a le afā o Gita.

Ua avea le ma’ema’ea o le afā o Gita ma mafuaaga ua toe fai ai ni suiga tetele i le polokalame ua uma ona fa’ata’atia a le Vaiaso Ta’alo a le Malisi.

O leni suiga sa mafai ona fa’amautuina mai e le Peresetene o le Kalapu, Faimalomatumua Mathew Lemisio i le mae’a ai o le fonotaga ale Komiti o Ta’aloga i le aso ananafi.

 O le suiga sa fa’ailoa mai o le suia ai lea o le nofoaga o le a fa’atautaia ai le Ta’ito’afitu Fa’avaomalo mai le Apia Park i le Malae a le Malisi i Lotopa.

O le Apia Park o se tasi lea o nofoaga sa mafatia tele i lologa lea sa mafua mai ona o le afā o Gita, ma e o’o mai lava i le taimi nei o lo’o a’afia pea lea vaega o le atunu’u i lologa.

O lenei suiga tele ua suia ai fo’i ma le tau o le pepa ulufale mo le mamalu o le atunu’u ina ia fa’amama avega ai mo latou a’o latou taumafai ai e toe fausia meatotino ua fa’aleagaina uma.

O le tau o le pepa ulufale e $2 i nofoaga lautele ma luga o le malae ae $10 pe a fa’aaogaina fale matamata ua uma ona iai mo le Aso Faraile ma le Aso To’ana’i o le vaiaso nei.

O le ta’amilosaga o le Ta ga polo o lea ua toe tolopoina i le Aso 24 Fepuari lea o le a fa’atautaia i le malae tapolo i Faleata.

O le fusuaga a Malisi poo le Fight for Marist olea a fa'ataunu'uina pea ile Aso Lulu ole vaiaso nei.

O le ta’amilosaga o le Touch Rugby lea o le a amatalia i le Aso Lua ona fa’ame’aina ai lea i le Aso Lulu.

Pau le ta’amilosaga lea ua mafai ona fa’atinoina i le taimi nei o le ta’amilosaga lea a le au Netipolo lea sa amataliaina i le Aso Lua lea sa fa’apea o le a faia finals i le Aso Lulu lea ua toe tolopoina o le a fa’amae’aina i le Aso Lua o le vaiaso nei.

O le ta’amilosaga o le lakapi liki lea o le a fa’atautaia i le aso a taeao i le malae ta’alo a pesega.

© Samoa Observer 2016

Developed by Samoa Observer in Apia