Galulue malosi le aufaigaluega a le mālō e fesoasoani i ē na a’afia i le afā

Tusia Deidre Tautua-Fanene ,

56 Hits

Aufaigalega a le L.T.A. o lo'o galulue i le toe fa'aleleia o auala i Gataivai i Savai'i. (Ata: L.T.A.)

Aufaigalega a le L.T.A. o lo'o galulue i le toe fa'aleleia o auala i Gataivai i Savai'i. (Ata: L.T.A.)

O le Komiti o Fa’alapotopotoga o Fa’alavelave Tutupu Fa’afuase’i o lo’o va’ava’alua ma nisi o ofisa ale mālō e tuʻuina atu le fesoasoani ma le toomaga i tagata na aʻafia i le afā o Gita lea na a’afia ai le atunu’u i le po o le Aso Faraile ma le taeao o le Aso To’ana’i.

O le So’oupu o le Ofisa o Fa’alavelave Fa’alenatura, Lepale Aussie sa ia fa’aalia o lo’o latou taumafai e fesoasoani i le to’atele e gata ai lo latou taumafai.

“O le taimi nei o lea ua matou i ai i le vaega e ta’u o le ‘to’omaga ma le tali atu,’e avatu le to’omaga mo aiga ma tagata ua a’afia, ae i le taimi fo’i e tasi e tali atu ia i latou ua o lo’o mana’omia le fesoaosani,” o le saunoaga lea a Lepale i le Samoa Observer.

“O le taimi nei ona o lea fa’atoa uma atu le afā, o lea la e fai a matou asiasiga ma talosia ia o’o atu i lesu 24 itula ua manino mai po’o le a le telē o le a’afiaga ma ia mafai ona matou fesoasoani i ai.

“O le taimi fo’i lenei o lo’o matou fa’atali pea i se tala e o’o mai, aemaise lava mai Savaii ma le itu i saute. O lea ua i ai talosaga mai le matou vaega o lo’o matou galulue fa’atasi e pei o le auaunaga o Tineimu ma Fa’alavelave Tutupu Fa’afuase’i.”

Sa ia faa’alia fo’i o le tele o latou galuega sa fa’atautaia i le taumafai lea e aveese mai tagata, o le itu i le suavai, o auala, o le itu i le eletise ma le saogalemu.

“O le Auaunaga o Tineimu ma Fa’alavelave Tutupu Fa’afuase’i fa’atasi ai ma le Matagaluega a Leoleo sa galulue fa’atasi i le taumafai lea e aveese mai i latou o lo’o a’afia ona o nofoaga o lo’o nonof ai.

“O le Pulega o fela’auaiga o le Laueleele sa gafa ma le kiliaina lea o auala.

“O le Pulega o le Eletise o lo’o galulue i le toe fa’aolaina mai lea o le eletise, ma sa latou ta’ua o le a taumafai i se vave ina ia toe fa’aolaina le eletise i vaega o lo’o mana’omia tele ai e pei o le falema’i.”

Sa fautuaina fo’i e Lepale le mamalu o le atunu’u ina ia fa’aeteete i le tualag i le suavai.

“Sa fautuaina fo’i e le pulega o le suavai le mamalu o le atunuu fa’apea ai ma le mamalu o afioaga le motusia ai o le auaunaga o le suavai ona le taumafaiga lava e puipuia mai le lautele mai le tulaga le lelei o le suavai.

“O le a toe fa’aolaina atu le suavai pe a toe lelei le auaunaga o le suavai ma saogalemu i le inuina.

“Ae e mafai ona fa’amautinoaina mai lea tulaga mai le Pulega o le Suavai ona e pei ona ou faiatu muamua o lea lava e maua mai ni fa’amatalaga maumaututū ma le telē le a’afiaga o lo’o i ai le atunu’u.

“Fautuaina fo’i le fa’atauina o fagu vai auā le fofoga taumafa.

“O le taimi nei pau le matou talosaga o le lava mai pea o le onosai ona o lea e galulue matou vaega ta’itasi i le toe fa’aleleia uma o latou auaunaga.

“Pau le fautuaga i le itu o le suavai ia fa’apuna lelei le vai aemaise lava i taimi fa’apenei.”

Sa ia ta’ua fo’i e ao i le mamalu o le atunu’u ona mataala nofo sauniuni pea.

 “O le afāo Gita lea na a’afia ai Samoa sa sau i lona vaega muamua, ona a tatou va’ai i ai o le e le’o ogaoga tele lse a’afiaga ona o le tele o la’au sa fa’aleagaina.

“O le mea e fa’afetaia ai ina ua amata ona latalata i le vaega 2, ae ua se’e ese atu le luga o Samoa.

 “O lo’o mata’itu pea e le ofisa o va’ai tau vaega uma o le latou auaunaga, ae o fa’aputuga o savili malolosi o lo’o lapata’ia ai pea le mamalu o le atunu’u.”

O se tasi o vaega a le komiti o fa’alavelave fa’afuase’i, o lo’o galulue fa’atasi ma nisi o le ofisa o le malo e avatu le fesoasoani mo e o na a’afia.

 “O le taimi nei o lo’o ua iai nofoaga ua uma ona saunia lelei e sulu i ai e o lo’o ua mafai ona aveese mai i nofoaga o lo’o a’afia.

“O nei nofoaga e aofia ai le N.U.S, A.D.R.A, ma le L.D.S. ae pau le nofoaga lea e tilotilo iai o le N.U.S.

“O le vaega ale A.D.R.A. o lo’o va’aia lava e latou ma o lo’o i ai nisi aiga o lo’o fesoasoani i nisi o le lautele.”

© Samoa Observer 2016

Developed by Samoa Observer in Apia