Le lava lapataiga mai le Ofisa o Va’ai Tau

Tusia Deidre Tautua-Fanene ,

34 Hits

Sa tatau i le pulega ona faia se isi galuega e sili atu e lapata’i ai le mamalu o le atunu’u e uiga i le taufa’amata’u o le afā o Gita.

O le manatu lea o Siatua Pulemagafa mai Fagaliʻi-tai.

Sa ia fa’aalia sa tatau ona tele ni lapataiga e aumai i le pulega ma le malo mo le mamalu o le atunu’u nai lo le tu’ua o latou le saunia fa’apea.

I le fa’atalanoaga ma le Samoa Observer, sa ia ta’ua ai e le’i lava lapataiga mai le ofisa o le va’ai tau e sauniuni ai i le afā.

Sa ia ta’ua fa’atoa ia fa’alogo lava e uiga i le afā i le Aso Tofi ma le Aso Faraile.

O lesi itu e leaga o le faimai lea o le ofisa o vaai tau e leai se itu e fa’apopoleina ai le atunu’u.

Sa fa’ailoa mai e Pulemagafa o lona aiga e leai ni tapenapenaga sa faia mo le afā i le taimi atoa se’ia vaganā ai le po o le Aso Faraile.

“Fai lava si taufa’afefe i le fa’alogologo atu anapo ma e talitonu ana fa’apea e umi ou te iloa o le a telē le a’afiaga o le a i ai Samoa.

“E leai se tasi o le aiga na mafai ona moe anapo ona sa sauniuni uma lava i se 

Sa fa’aalia fo’i e Pulemagafa lona fa’anoanoa i le tapunia ai o le tele o pisinisi ona o le afā o Gita.

“O le itu lea e le’o iloa mai e le Ofisa o Va’ai tau o le tapunia ai o faleoloa ae o lo’o i ai nisi o aiga e le’i faia ni latou fa’atau auā le fofoga taumafa.

“Ana fa’apea e tu’u mai sa’o lava lapataiga ma fa’apea mai e tapenapena o le afā o le a a’afia ai Samoa nai lo le faimai  e aua le popole ua na o ni savili malolosi , ma o lo’o aga’i atu i Fiti out e iloa e nofo sauna uma le mamalu o le atunuu.

Sa fautuaina e Pulemagafa le ofisa ina ia fai ma a’oa’oga lenei tulaga ma ia lapata’i le mamalu o le atunu’u i tu;aga uma.

“O le itu lena e sauniuni ai mea uma lava,” o lana saunoaga lea.

“Pau le agaga fa’afetai ona e le’I umi faiga a Gita ona e leiloa po’o le a le tulaga e o’o iai Samoa pe ana fa’apea e umi.”

E le’i mafai ona maua mai se tali mai le Ofisa o le Va’ai Tau.

Ae o le vaiaso atoa sa lapata’i mai ai le ofisa le mamalu o le atunuu e tusa ai ma savili malolosi fa’apea ai le timuga tetele e ono a’afia ai nofoaga maualalalo.

© Samoa Observer 2016

Developed by Samoa Observer in Apia