Tautua aiga

By Ulimasao Fata 11 December 2017, 12:00AM

O le tautua ai o aiga o se itu taua tele lea i le olaga o so’o se tupulaga talavou.

“E pei o lea lava le fa’amoemoega o lo’o ua i ai le taimi lenei, o le taumafai lava lea ina ia atia’e aiga,” o lea le talitonuga o le ali’i talavou i a Philip i le Fofoga o Samoa.

“Ia o a’u o lo’o ou aoga i le aoga Fa’afomai ma o se itu lelei tele lea i lo’u iloa i ai le taimi lenei.

“O le taumafai ai e atiae lava aiga i le mafai e gata aua le aga’i atu ai le lumana’i, ua le toe faigofie nei aso.

E maua le fa’atalatalanoaga ma Philip fatoa fo’i ane i tai mai le ma’umaga e fesoasoani ai o latou aiga.

“Ia o lea lava le olaga o lo’o ua i ai le taimi lenei, o le taumafai lava lea e fesoasoani i aiga i le mafai e gata ai.

“A o’o mai aso leaga ia ona fa’atino fo’i lea o le mafai e gata ai lona fa’atinoina, o le uiga o la’u tala ia e le fa’apea o le a aoga ona galo ai lea ona tautua aiga.

“Leai o le itu taua o le taumafai ai  lea e atia’e aiga i so’o se itu e mafai ona fa’atinoina aua le lelei alu i luma o le atunu’u.

“A lelei lava le sologa lelei o vaega uma, ia o lea lava le soifuaga e ao ona o tatou fiafia ma va’avaai i ai aua o le lelei lava lea o mea uma.

“Ua o tatou iloa ma silafia nei vaitau ua taugata le soifuaga.

‘Ia e leai lava se isi mea e mafai ona o tatou faia, o le galulue fa’atasi lava, o le fesoasoani ai o matou le fanau if eau fa’atino a aiga i aso ma taimi uma.

By Ulimasao Fata 11 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>