Galue mo se tupe fa’asili a le aiga

Tusia Vatapuia Maiava ma Ilia L Likou ,

135 Hits

Keniseli Pitolua o Aleisa.

Keniseli Pitolua o Aleisa.

O le aso ananafi na maua ai e le Fofoga o Samoa le fa’atalatalanoaga ma se tasi o fanau i Aleisa o lo’o taumafai e fa’atauina atu i le mamalu o le atunu’u ana ato esi ma maukeni.

“Ia e to’aiva matou , ae ina ua alu ese lo’u tamā mai lo matou aiga, na fa’atonuina loa i matou e lo matou tinā e omai e fa’atau atu ato esi i luma i’inei.” Keniseli Pitolua o Aleisa.

“O le tau o le ato ese e tasi , e $10 i le ato  ma na amata mai lava i le Aso Sa To’ona’i le fa’atauina atu o ato nei.

“O le tupe na mafai ona matou maua  i le Aso To’ana’i e $40 , ma na fesoasoani mo le fa’atauina ai o le mea’ai o le Aso Sa o tamaiti.

Na ia fa’amatala e fa’apea o le taimi lenei e na’o le to’atasi lona uso o lo’o faigaluega mo le tausiga o ia ma nai ona tei laiti aemaise o le tinā.

“Ia e na’o le $100 le totogi o lo’o maua i vaiaso uma, ma e le lava ai le tele o vaega mo lo matou aiga.

“O ananafi i le Aso Sa o tamaiti na omai ai nisi o sui o le Ekalesia a le Assembly of God iinei i Aleisa, ma aumai mea’ai ma lavalava mo nisi o nai o’u tei mo le Aso o Sa o Tamaiti.

“Ia na o matou fiafia ai lava, aua ua mafai ona fesoasoani mai se isi mo i matou ma nai o’u tei.

“O a’u o lo’o o’u Aoga i le Tulaga Lua i Aleisa nei.

O le a se miti o lo’o nofo ma oe i lenei taimi?

“Ia o a’u o so’o se mea lava, afai lava ou te ola ane lava ou te fai ma’umaga ia o lena lava afai lava e leai, ia e  alu ai lava fa’apena.

“O le taimi lenei o lo’o taumafai e fa’atau ato esi nei e lua ia mafai ona maua ai se tupe mo se pasese o lo’u tinā ma nai o’u tei laiti i le aoga a taeao.

“E le lava se tupe , ao le tupe e maua atu i ato ese nei o le a fesoasoani tele.

“Ia o le isi tulaga faigata o lo’o avea ma fa’afitauli, o le leai lea o sa matou paipa, e matou te ki vai ma i se tasi o aiga.

© Samoa Observer 2016

Developed by Samoa Observer in Apia