Talosaga mo se mapusaga

By Vatapuia Maiava 11 October 2016, 12:00AM

Na fa’ailoa e le tinā i a Vaiula Atilua o Leualesi le taumafai ai pea lea e talosagaina le malo i nisi o fa’afitauli o lo’o feagai ma le aiga ma lo latou pitonu’u i aso uma.

O le vaega muamua o lo’o taumafai i ai i le taimi lenei, o le tulaga lea i le suavai, ona o le taimi lenei o lo’o sua taimi atu le vai ae o le tele lava o  aso e leai lava se suavai e mafai ona fa’ao’o atu mo lo latou aiga.

 “Ia e pei ona ta’ua muamua atu o le fa’afitauli tau i le suavai o lo’o feagai tele ma tua iinei.

“Ia o lo’o totogi lava pili o vai pe a fua mai ae o le mea lena o lea e tupu, e ta’itolu aso o fiu e tatali le suavai ia e fa’ai’u lava i le o e su’e vai.

 “Ia o nai isi aiga , o lo’o o atu i ai i le tele o taimi mo se suavai maua mai.

 “Ia o le tele lava o taimi na o le  fua mai o pili o vai ae o lo’o fa’aletonu lava le sau o le vai  i le tele o taimi.

 “Ia o nisi o taimi ua leiloa po o ai e tu’ua’ia i le pe so’o mai o le paipa.

O le aso e pito sili ona tuagalemalie ai le pe o le suavai o le Aso Sa.

 “Ia e pei o le aso pito sili lea ona mana’omia ai le suāvai ae pe mai ai , ae o le taimi lea o lo’o matua’i fia maua ai le suāvai.  “Ia aua e ta’u sa’o atu lava, a pe loa le paipa i le Aso Sa, ia ua le mafai ona o i le lotu, aua e aumai le suavai pe a su’e mai fa’aaoga mo mea’ai a le aiga ma le tele o le mau fe’au.

 “E tatau lava ona se’i alolofa mai i fa’afitauli o lo’o feagai ma i matou i tua nei.

O le isi fa’afitauli o lo’o feagai ma Vaiula o le auala lea na ia ta’ua o lo’o tele ina lavevea ai ta’avale.  “Ia e pei o le auala le isi fa’afitauli o lo’o i ai i le taimi lenei ona e tatau ona i ai se fa’ailoilo i luma o le auala. “O Me le tausaga lenei na taliaga ai fo’i le isi loli i luma nei, ona o le masau mai lava fa’apea e sa’onoa le auala, ae leai.

 “Ia ua uma ona talosaga atu le malo, ia e leai lava se vaega ua fa’atino mai.

By Vatapuia Maiava 11 October 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>