Sologa lelei le olaga i totonu o le afio’aga

Tusia Vatapuia Maiava ma Ilia L Likou ,

170 Hits

Simeona Lavea o le afioaga o Mulifanua

Simeona Lavea o le afioaga o Mulifanua

Na fa’ailoa e le tamā i a Simeona Lavea o le afioaga o Mulifanua i le aso ananafi, o le fa’ato’aga o lo’o tua ma fa’alagolago i ai lo latou aiga i aso uma.

O le 53 ai o le matua o lona soifua, e le’o avea lea ma fa’afitauli i a te ia mo le tausia ai o le fanau e to’afitu ma le tinā o le aiga.

“E tau leai ni fa’afitauli i totonu o lo’o aiga ma o lo’o malosi lava.” Simeona Lavea.

 “O le tupe e mafai ona ou mauaina i le aso e $100 ma e $500 lava i le aso.

“O lenā tupe o lo’o lave lelei ai le fa’asoa i le tausiga o le aiga, fanau, Ekalesia ma le nu’u e pei ona masani mai ai lava.

“E pei o le fautuaga ia i le to’atele o tagata, ia to’a’aga e tōtō fa’ato’aga,  aua o o lea o lo’o tatou molimauina pea i aso uma le taugata o le soifuaga e pei ona ua tatou i ai.

Na ia fautuaina fo’i le to’atele o tupulaga lalovaoa o le atunu’u - ina ia fa’aaoga lelei le malosi.

“O le fautuaga lava i tupulaga manū la o lo’o maua le malosi i le taimi lenei.”

“Ia aua lava nei alu vale le malosi i le feoa’i solo ma fa’amisa i le auala ma le taulaga…o mea nei  (fa’ato’aga) e fai ai le ulavale o le tagata.

“E le gata i lea a ia fai le mea e ta’u leleia ai le aiga ma tausi lelei ai le aiga, e pei o le  to’aga e fai le fa’ato’aga.

“E mo le silafia ai, pe leai se tupe pe i ai fo’i, e leai lava se mea e popole ai.

“Aua o lo’o maua lava le talo ma le lu’au , ia o le tama o le va e to’a lelei ai lava le moa.

“ O lo’o maua isalaelu , kukama, kapisi, tamato ma pi ma le anoanoa’i o fuala’au ‘aina aua le tausiga o le aiga.

© Samoa Observer 2016

Developed by Samoa Observer in Apia