Manatu o le Fa’atonu - Ave le fa’amuamua i e tatau ai

Tusia Mata'afa Keni Lesa ma Fa’aliliuina: Ilia L Likou ,

128 Hits

Ua ma’ea ona fa’ailoa muamua atu lea tulaga, ae o lea o le ā toe ta’u atu fo’i. Afai e moni le malo i a latou folafolaga mo le una’ia o le lelei o a’oa’oga i totonu o le atunu’u, ua tatau loa ona faia le mea e tatau ona fai.

E fa’afefea ona tupu lea tulaga. Ia totogi faiaoga e tusa ai ma la latou tautua o lo’o ua feagai ai nei. Silasila fo’i, afai o a’oa’oga o le lumana’i manuia lea, e pei lava ona fa’ailoa so’o mai e le malo, ia o latou fa’amautinoa mai.

Afai o lea le finagalo o le malo ina ia ave le fa’amuamua mo le ola soifua maloloina lelei o le atunu’u, ia ave le fa’amuamua mo tagata e tatau i ai.

E aofia ai i a’i latou nei , fomai, tausima’i pasi, foma’i fa’apitoa e mafai ona o latou fa’aogaina le mau masini taugata i le Falemai o le Tupua Tamasese Meaola.

E le tau natia se mea moni, a tatou talanoa i tulaga tau a’oa’oga, e le mafai e le mau fogafale fou o lo’o ua i ai nei ona a’oa’oina lelei tamaiti aoga. O faiaoga latou te fa’atinoina. Lea tonu o lo’o taoto ai le fa’afitauli. E le taitai ona fetaui le totogi a faiaoga o lo’o ua i ai nei.

O se tulaga fa’aletonu tele pe afai e fa’atuatuana’i faiaoga aua a fa’aletonu i, o se va’aiga le manaia o le a o tatou va’ai ai i fanau o a taeao.

Mo se fa’ata’ita’iga, ave’ese lou mafaufau mai i a’i latou ua fa’au’u mai ma fa’ailoga tetele mai Univesite i atunu’u i fafo ma Samoa nei.

Ae mafaufau le faitau selau o le fanau e le’o mafai ona o’o atu i lea tulaga, Mafaufau i nai fanau ua le mafai ona fa’aauauina a’oao’oga, lea ua fa’atupula’ia ai e ua leai ni galuega o maua i le taimi lenei ma fa’apea ona o’o atu i ni o’oo’oga le manuia.

Fa’amata o lea le tulaga o lo’o ua maitauina nei i totonu o Samoa i le asō.

O fa’afiatuli nei e mafua mai ona o le ogaoga o le tulaga e pei ona fa’ailoa muamua atu e fa’atatau le vaega lea ua fa’aletonu ona ua leai se fa’amuamua e ave i ai.

O le ata mautinoa, ua o se masani ua le mafai ona tu’u ma e ta’atia atu i le malo mo se finagalo.

O le amataga lelei e ao ona tu’uina atu mo le atina’e lelei o faiaoga, e le tau fa’ailoa atu le mana’omia o Samoa o lea tulaga, ma o le to’atele o i latou o lo’o i le Iunivesite o Samoa e matua’i mamao lava ma le mana’o e fia fai ma faiaoga. O le to’atele ua ala ona o’o i ai ona ua le mafai ona maua nisi o Polokalame o lo’o manana’o ai.

E le o se mea la e tatou te tau ai fua le pua ma lafo i mo e o lo’o lelei le a’oa’oina. O ai e mana’o e faiaoga pe afai e leaga totogi? O ai fia mana’o ni suiga lelei pe afai e le mafai e lou totogi ona fafagaina lou aiga.

Ua atili ua alu fa’asoloatoa taimi o faiaoga lea ua amata mai i le 9 i le taeao se’ia i le lima i le afiafi.

O le mea pito sili ona leaga ai o le lava o se taimi , a o’o le taimi e aga atu ai faiaoga i o latou ua afiafi, ae e tatau ona faimeaaoga e tapena ai i le isi aso. E matua’i le fetaui lava.

O le fesili o i ai se suiga tele mai nei fesuisuiga taimi na fai muamua? Fa’amata e fesoasoani i le ola ao’a’oina o le to’atele o fanau.

O le mea mautinoa lava, o le matua’i lapisi a o na mau suiga  i faiaoga, afai e taua faiaoga, ia totogi lelei i latou.

Fai mai nisi o tagata, o fea e aumai le mau tupe e fa’atinoina ai e le malo na tulaga uma.

Aisea e le amata ai ona aveese ia le tele o le mau poloketi ma’imau o lo’o fa’atinoina nei.Fia ni tagata e ono fa’amanuia mai le $20miliona tupe ma’imau i le uafu i Satitoa la ua mataga ai le va’aiga i le la itu o le atunu’u.?

E pei e tatau ona fa’amanatu e se isi i le malo le mea e ao ona ave i ai lo latou fa’amuamua. 

O le mea faigata a isi e taumafai e fa’ata’atia se amataga lelei ae a isi lava e fa’atautau.

O se toe fa’amanatu afai tatou te manana’o ina ia popoto a tatou fanau, e mana’omia le fa’atosina mai o ni faiaoga lelei. E na o le pau lava lea o le auala.

© Samoa Observer 2016

Developed by Samoa Observer in Apia