Faafetaia mea ua e maua
Na foai mai e le Atua le sami ma le eleele ina ia mafai ona tatou ola mai ai.
O le faatalatalanoaga a le Fofoga o Samoa ma Afuai Lefui mai Salelesi ma Fusi sa ia taua ai, e faigofie lava le olaga pea iloa faalagolago ile laufanua.
O Afuai e 45 le matua o lona soifua ma sa maua atu e le Fofoga o Samoa o loo agai o ia ma lona atalii ile maumaga ile aso ananafi.
“O le matou fale e lalo atu iinei, mea le iai Salelesi ae o le matou maumaga e i luga ii le mauga.
“Ia o lea la e agai atu ai aua se meaai e maua mai ai.
“Ia o nai mea laiti a ia e faalagolago ai.
Ae a manaomia foi se seleni, ia ole lafu moa ma le lafu puaa lea e faatau atu faatasi ma meamata.
E leo se aiga e uu ini oa ae ose aiga o loo taumafai malosi ma latou aai mai lava i meaai a o latou lima.
“E toalua lau fanau, tasi si ou atalii, tasi si ou afafine.
“O si ou atalii la lea e aoga ao si ou afafine e laitiiti.
“E iai foi le tina matua o loo ma vaai nei ma si ou toalua.
“Ia e leai a sesi mea e faalagolago ai, vagana ai a le maumaga ma le lafu moa ma le puaa.
“Ia a le mafai foi se mea, ia o nai aiga la i atunuu i fafo e fesoasoani mai aua le lafoina mai o se seleni i mea fai a le nuu ma le ekalesia.
“E leai a se mea e faigata vagana ai a le mamao ole auala i uta, ia toe tele o taimi e faaleagaina ai e manu ia fua o faatoaga.
“Ae o mea uma tau i totonu ole aiga, ia o lea e lelei uma lava.”