E le’o lava le suavai mo aiga

By Aruna Lolani 11 July 2017, 12:00AM

O le maua ai o le fa’atalatalanoaga le Fofoga o Samoa ma le tinā ia Laulauga sa ia fa’ailoa ai le tulaga tau suavai i totonu si ona aiga. 

“Ia e ta’utino atu e fa’aletonu le vai, e fa’alē lava le suavai,” o lana lea tala. 

“A o’o lava na pē e masina toa ola mai. O le vai e o le vai tumaoti si o matou nu’u. 

“O  le fa’afitauli, a o’o na mugala ona leai laia se suavai e o’o mai i si o matou pitonu’u, ia ona o lea e ti vai solo mai i aiga e fai a latou tane vai aua o si o matoua aiga nei foi e leai se tane vai. 

“O lo’o iai lava le komiti e leoleoina le vai, ae a o’o lava na pe le pe lava. 

“O lona mafuaga e laititi le vai,  o le foi na iai se manatu ana fa’apea o se vai a le malo e le taitai ona fa’aletonu. E pau lava lena o le fa’afitauli e le lava le suavai. 

O le aiga e lei ava ona o ifo i le latou fanua. 

“Ia e lei leva na ma o mai uta nei, o lo’o iai foi le isi matou fanua i tai le a’ai a sili lava le omai i nei e fa’atoa fanau ma toto le talo aua foi meaai ae le gata i lea e maua ai foi le tupe. 

“O maua e to’atolu le fanau, e faigaluega le tama’itai matua, o le atali’i la e i fafo ma le isi tama’itai o lo’o i Savai’i. 

“Ia o pau lava lea o le fa’afitauli o le vai ae o isi vaega uma o lo’o lelei lava mea uma. 

“Ia o si toeaina lava lea o lo’o gafa ma le la’uina le vai e o lava i aiga o lo’o ia le tane vai  e la’u mai ai le vai. 

“Ia pei ona lua tagataga’i mai lo ma fale, o lo’o iai lava le fa’amoemoe e fai se fale fou. 

“Ia  o le atali’i lava la i fafo o lo’o fa’amoemoe atu ai e fai mai se fale ia e le’o fa’amoemoe tele atu ai ona o ua tatou malamalama lelei lava o lo’o iai foi latou pili e totogi. 

“E lelei lava tatou o lo’o iai le talo e na le oso atu lava aumai ae o  fafo e tupe lava mea uma. 

E maua le fa’atalatalanoaga ma le tinā i le numera 7722269, 7735022 mo se tasi e fia fesoasoani iai. 

By Aruna Lolani 11 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>