Lua tausaga talu na leai se vai ma se eletise

By Aruna Lolani 11 July 2017, 12:00AM

Na fa’aalia e se tama i le Fofoga Samoa, Lafulafu Semisi, 47 le matua ole soifua mai le nu’u o Falevao, le faigata o le leai o se suavai ae le gata i lea o le eletise maua mo ia ma lona aiga.  

O le aiga o Lafualfu e fa’amoemoe i latou mo le suavai mai le aiga i le a’ai po le timuga foi.   

“Ua fai lava sina umi o matou nonofo i lenei itu ma o se fa’afitauli lava lea sa matou feagai ai mai la aso,” o lona manatu fa’aalia lea ile Fofoga Samoa ile aso ananafi. 

“O le taimi nei ia o lo’o mana’omia pea e matou se tane vai aua e pei ole aiga i le nu’u i tai le tele na aumai ai a matou vai. Ia vagana lava pe’a timu ia fa’ato’a maua fo’i lea o vai a matou a ia.  

“Ua lua tausaga talu ona matou nonofo i uta le mauga ia o lea foi le fa’afaigata ona maua ma o’o atu le eletise ma le suavai. 

 “O lea la ou te aioi atu ai ma le loto maualalo, po’o ai lava se tasi e mafai ona fesoasoani mai lenei mataupu.” 

O lo’o mana’omia lava e lenei tama se suavai.  

“Ou te tautino atu, e le’o se mea faigofie le aumai ina o vai ma isi nofoaga i aso uma. 

 “Ou te iloa lelei foi e leai lava se galuega alofa le malo o faia, e leai lava se uiga.

 “O le itu foi le tau fa’aaoogaina loe fanau e fai lava sina faigata o le tele o taimi e leai se tupe. 

“O lo’o iai si o’u afafine faigaluega peitai o le maumaga lava le fa’amoemoe tele aua e fai o mea’ai ae a mana’omia foi se seleni ua alu i le foi e ave nai meamata le maketi. 

 “E to’alimasi a’u fanau ma e aooga le to’alua, o i latou nei o lo’o taumafai ai lava e saili se tupe mo lo latou lumana’i manuia. 

 Sa taua le tama le leai foi se eletise ae le’o popole tele  iai aua o lo’o iai karasini e fa’aoga. 

“E pei o le vai lava le tulaga mana’omia tele aua o le tele o taimi ta te alofa lava i le fanau pe a o e la’u mai le vai i tai le a’aai. 

O se tasi e fia fesoasoani le tama fa’afeso’otai le numera 7722295

By Aruna Lolani 11 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>