Toe mafaufau tasi lava…E iai le tusi e igoa ‘O mea aupito fa’avalevalea e 365 ua iloa. Tasi la lenei o mea aupito fa’avalevalea o lo’o ta’ua i le tusi lea: “Afai na totogi lou pasese i le matou malaga lenei e ta’ua o “’Auala Faigofie e Ono e Iloa ai ‘Ave-Va’alele”,  matou te fa’amalulu atu ai pe afai o iai ni fa’aletonu e ono tula’i mai, talu ai, ua pa’ῡ ia matou ona fa’apipi’i iai le vaega mulimuli lea e fa’apea, “ Pe fa’apefea ona Fa’aTu-lau’ele’ele Saogalemu Va’alele.”

‘Aumai lou suafa ma lou tuatusi, matou te momoli vave atu iai le vaega mulimuli lea, mo le fa’atu-lau’ele’eleina saogalemu o le tou va’alele.”  E te talitonu e iai se ‘ave-va’alele e mafai ona ‘ave-‘ese atu se va’alele ae le-‘ilafia fa’aTu-lau’ele’ele?

Ioe, o le to’atele lava o tatou e ‘felelei’ solo i le ola nei, ae matua leai se manatu pe fa’apei ona ‘tu-lau’ele’ele.’ E le mafai lava fo’i, ona lele ‘ese o se ‘ave-va’alele e aunoa ma se fuafuaga fa’ata’oto mo le malaga o le a faia: ia iloa le mea e aga’i iai ae pe fa’apei fo’i ona taunu’u. A o le to’atele o tatou, e moni ai se tasi o tama-a’oga i se Iunivesete na fa’apea lana tala: Te le fia mafaufau i ni mea se’iloga lava ua tutupu.

E le’i taitai lava o’o mai se oti.”    E masani lava ona fa’alili e le ‘olomatua le toea’ina pe a alu e savalivaliu. E fai iai; “Ali’i, ‘aua e te so’ona alu mamao ma le faigata ona e toe fo’i mai!” Ali’i, o le mea tonu lena e tupu ia tatou pe a tatou feoti.

Ua o-mamao tele ua faigata ai ona toe fo’i mai. E ta’itasi uma lava o tatou avanoa e ola ai, ona tiē loa lea. Ua mamao tele le tatou o, ua le-mafai ai ona toe fo’i mai. E ta’itasi uma o tatou avanoa e “felelei” ai a’o le’i “tu-lau’ele’ele”.

“Po’o le a lava la le maualuga e lele-lele a’e ai, ae i’u mai lava i lalo nei.” Pe ua e sauni pe leai, tatou te fo’i uma lava i lalṓ! E matua tatau ai lava, ona tapenapena lelei mo le tu-lau’ele’ele a’o maua le avanoa, ma lava fo’i le taimi.

Ae a Lau Susuga? O e silafia le mea e te ono ‘tu-lau’ele’ele’ iai – pe a i’u lou soifua i le aso? Silasila fo’i, e le mafai ona tatou iloa le mea e tupu ia tatou taeao, ma e tatau ai ona tatou magafagafa ma fa’amautinoa, ua tatou sauni i le asṓ!

Tatalo ia Iesu e fa’amagalo ‘Oe ona o ou sese i aso ua mavae ma ia pulea e Ia lou ola i aso uma. O le ‘auala lena e mafai ai ona tatou ola ma le talitonu atoatoa, ua e nofo sauni e tu-lau’ele’ele saogalemu pe a uma lou ola i le isi 5 tausaga po’o le 5 fo’i aso mai le asṓ. Toe mafaufau tasi lava…