Mana’omia e le tina se fesoasoani

Tusia Deidre Fanene ,

201 Hits

MANAOMIA SE FESOASOANI: E tusa ma le fitu tausaga o mafatia pea le tina ia Mu Frietton ona ole leai ose suavai

MANAOMIA SE FESOASOANI: E tusa ma le fitu tausaga o mafatia pea le tina ia Mu Frietton ona ole leai ose suavai

E tusa ma le fitu tausaga o mafatia pea le tina ia Mu Frietton ona o le leai o se suavai.

O lenei tina mai le afioaga o Tanumalala o loo feagai ma le tele o faafitauli aemaise lava le faaletonu o le nofoaga o loo nonofo ai ma lona aiga e toasefulu ma e leai se isi o latou e faigaluega.

Sa ia ta’ua i le vaega o le Fofoga o Samoa ua tauau ina leai se avanoa o le latou fale e nonofo ona o le toatele o latou.

Sa ia taua foi o le tele o tausaga e faailoa ai aso faapitoa e pei o Aso Sa o Tina e le mafai e lana fanau, o fanau a lana fanau ma fanau o fanau a lana fanau ona nofoia le latou nofoaga ona o le tulaga faaletonu o loo iai.

Sa ia faasoa i le Fofoga o Samoa o se olaga fiafia ma le filemu o se tasi lea o itu o loo ia moemiti ai i aso uma.

 “O le toatele o le fanau ua fai lava le aiga o le tagata ia ae peitai e le o lava totogi e tausi ai o latou aiga.

“E tele lava ina omai i aso faapitoa e pei o Aso Sa o Tina, Aso Sa o Tama, Lotu Tamaiti, Kerisimasi ma le Tausaga Fou.

 “Ou te fai lava isi au fanau e le mafai ona latou nonofo pe a omai ona e leo iai se suavai matou te faalagolago i le tane vai ae peitai a oo ina mūgālā ia ona leai lea o se vai i totonu o le tane vai.

 “O le isi itu a leai se vai i le tane vai ona totogi lea o le tupe i le loli vai e sau ai e utu le matou tane vai, ae o lea foi e tau faasoasoa aua le tausiga o le aiga atoa.”

O loo manaomai e lenei tina se fesoasoani mo se fale lelei mo ia ma lana fanau ona o lona popolega tele lea o fanau a lana fanau.

“O le tausaga e 2017 sa maua ai le tane vai lea, ae o le ituaiga nofoaga lenei e manaomia lava le suavai ona e fai si mamao mai i uta nei ma e leai foi nisi o nofoia lenei nofoaga.

“O lenei foi tane vai sa talosagaina lava mai le 2011 ae sa mafai ona fesoasoani mai ai le ekalesia i le tausaga lea na tea nei.

“Mai lava I le taimi lena seia oo mai I le taimi lenei e leo iai lava se suavai mautu o loo matou faaaogaina, afai la ae leai se suavai I le tane vai o lona uiga o le a faaalu foi tupe e totogi ai le loli e sau e utu le matou tane vai.”

O le isi popolega o lenei tina ona o lana tama teine laititi o loo maua I le maitaga.

“O si au tama lea ua nofoiinei ona e leo iinei lona toalua e faatoa sau ia Setema ae o loo faatalitali ona o lona masina lenei.

E pei o le mafuaaga lea o loo ou mafatia ai ona o le le lelei o le tulaga o loo iai le matou fale ae e leai se mea e mafai ona fai ona e leo lava le faasoa I le itu tau seleni.”

Afai e te fia fesoasoani ia Mu faafesootai le numera o le 7726687.

© Samoa Observer 2016

Developed by Samoa Observer in Apia