Tete’e atu i le taumafa tapa’a
O le aso Tofi 31 o Mati sa faia ai se polokalame faalauiloa a le Sosaiete o le Kanesa faatasi ai ma le Matagaluega o le soifua maloloina e faamanatuina ai le aso o le Tetee atu I le Taumafa Tapaa I le lalolagi.
O le Kolisi o Anna #1 sa filifilia e faia ai lea polokalame I lenei tausaga ma sa talanoaina ai aafiaga o le taumafa tapaa aemaise o auga ma foliga vaai o le Kanesa o le Mama.
O le tapaa o le mafuaaga numera tasi lava lea o le Kanesa o le Mama, e le gata I le Kanesa o le Mama ao le mafuaaga foi lea o le tele o faamai ua aafia ai nai o tatou tagata.
O le alii pule lua sa fai ma sui o le Tamaitai pule ma le Kolisi e momolina le faafetai ma le faamalo I le Sosaiete o le Kanesa ma le Matagaluega o le Soifua Maloloina e tusa ai foi o le polokalame matagofie ma le filifiliaina o le Kolisi e faamanatuina ai le aso o le Tetee atu I le Taumafa Tapaa I le lalolagi.