Ua le mafai lava e se fale gaosi-mea ua tu’ulafoa’ina ona faatosina atu ni tauofoga lelei

Tusia Lanuola Tusani Tupufia ma Faaliliu e Seagaitumua Tupuola ,

136 Hits

UA LEAI SE MEA E TASI: Sa i ai Alii ananafi i lea fanua e moa le vao.

UA LEAI SE MEA E TASI: Sa i ai Alii ananafi i lea fanua e moa le vao.

O se fale gaosi mea lea sa gaosia ai le penu popo i Vaitele Fou lea sa teu faafaigaluega ai e le Faaputugatupe mo le Lumana’i Manuia o Tagata Samoa (S,N,P.F. le faitau miliona ma miliona mo lona atiina a’e -o loo tumau pea ona i luga o le maketi-a ua le o i ai i se tulaga lelei.

O le mea moni, o talosaga mai vaega e fia faaaogaina lea fale gaosi-mea ina ia maua ai nisi tupe-e itiiti tauofoga na maua mai ai. O lea nofoaga sa lisi e le Kamupani a le Paradise Products. Ua uma le taimi o le latou lisi ma e le’i toe faafouina..

O le taimi lena na faasalalau ai faalaua’itele lea meatotino mo le lisiina atu. Ae peita’i-o le tali mai e matua le lelei lava. “O Tauofoga na maua e o’o mai i le asō e matua maulalo lava,” o le faaaliga lea a le Ofisa Pule o Teugatupe Faafaigaluega o Petra Suhren Chang Tung, e tali mai ai i se imeli mai le Samoa Observer.  

“E le gata i lea, e leai se tasi o tagata na tauofo e i ai sona fiafia i le faaaogaina o masini o loo i le fale gaosi mea o le Desico-ma o lea na tonu ai i le Faaputugatupe ina ia tuuina atu se taimi  e aveese ai masina ona toe faasalalau ai lea o lea fale gaosi mea.Sa faamatala mai e Mrs. Chang Tung e faapea o tau na ofo mai e tagata tau ofo e matua maulalo lava pe a faatusatusa i le tau o lea fanua ma ua faapea ai ona manaomia le toe faafo’i atu.

E o’o mai ananafi, o faitoto’a e ui ai i lea meatotino sat alai faatasi ai ma ni alii se to’atolu sa moaina le va o le fanua ma faamama le vao ua sosolo ai. O masini o loo tumau pea ona i ai i lea nofoaga. I totonu o se faamatalaga talu ai, fai mai le pulega o le S.N.P.F.o le fuafuaga mo lea fale gaosimea o le lisi atu lea..

“Sa matou faamoemoe e lisi atu i se kamupani gaosi oloa i totonu o le alamanuia tau le popo e fesoasoani ai i oloa e auina atu i fafo ma galuega,” o le latou faaaliga lea “Sa i ai se mana’o mai fafo e lisi lea fanua mo faamoemoega tau le gaosia o oloa ma o lea na matou tuuina atu le faamuamua i lea mana’oga ma taofi ai lea meatotino mo i latou ona o lo matou mana’o ia siitia oloa e auina atu i fafo ma galuega mo se vaitaimi umi.

Na latou toe faamaui i tua talu ai nei ma o lea ua matou toe faia ai faasalalau i le taimi nei.”O loo finau mai pea le pulega e faapea e i ai tausaga sa maua ai ni polofiti laiti a’o lisi e tagata lea fanua.  “I le taimi nei-e mafai ona matou maua se polofiti pe afai e aloa’ia se tupe e maua mai lea meatotino.

“O le tau o soo se meatotino i totonu o le vaega-eleele tau le alamanuia i Vaitele o le a faateleina pe a faateleina le atiina a’e i totonu o lea vaega-eleele. Ona faapena lea ona maua se tupe.  “O le tau o le fale ua faaitiitia i le faagasologa o tausaga e tusa ai ma mea masani ua faaleagaina ma talu ai ona e le o faaaogaina, o le tau lea mo i tatou.

O se fuafuaina o le tau talu ai nei o lea meatotino ua faaalia ai e faapea o le tupe maua mai le fanua lava ia e sili atu ona tele i lo tupe leiloa o le tau o le fale. O le mea lea-o loo i ai se tupe maua ma’oti mai lenei mea totino.”

Ina ua tofu le Desico i totonu o le utu i le tele o tausaga ua mavae-sa pulea ma faaaogaina e le Aarco Samoa Ltd lea fale gaosi mea. Sa pulea e le Aarco le Desico ina ua mae’a se taumafai a le Samoa Niu products e faatino le galuega lea ua le mafai ona fai.E tusa ma le US$2 miliona na faaalu e toe faalelei ai masini a le kamupani a’o le’i toe amataina ana galuega.

© Samoa Observer 2016

Developed by Samoa Observer in Apia