“Ou te mafaia mea uma”

Tusia Seia Soloi ma Fetalai Tuilulu’u ,

94 Hits

Le ali’i tausi aiga ia Tahiti Paeali’i.

Le ali’i tausi aiga ia Tahiti Paeali’i.

O le se tasi auala e ave esea mai ai o tatou tagata mai le tele o le fa’amaimau taimi ma le tele o fa’alavelave o le ofoina atu lea o lou olaga atoa e te tautua ai mo lou aiga. 

O lea tonu lava le manatu o le tupulaga talavou ia Tahiti Paeali’i o Talimatau i le maua ia o le la fa’atalatalanoaga ma le Fofoga o Samoa le aso ananafi. 

Sa ia li’utauina foi le tupulaga talavou ina ia pei o ia le fa’amuamua o aiga ma faia le fatu aiga tausi. 

“Ou te ta’utino atu o lo’o mana’omia le fesoasoani. O lana lea tala i le Fofoga o Samoa. 

“Ae out e le mana’o lava ou te tagisia se feosaosani mai se tasi.

“Ou te fa’alagolago lava a’u ia lo’o malosi ma mea ou te maua aua lava le tausiga si o matou aiga. 

“O si o matou aiga e leai se eletise, ae o lo’o fa’aoga lava le moliga’o ma o lo’o lelei ai lava. 

“Pau lava le tulaga, a maua le meaai ona leai laia se mea e popole ai ao nisi vaega uma e iai lava le auala e faia ai. 

“Pau le tulaga lelei o lo’o iai le galuega e tua iai, o lo’o lelei la’u galuega, aua o se upu o se ola fa’alagolago e leai se vaega fa’apena. 

“Ou te le manao e fa’alagolago i se tasi e aua ua ota masania lelei le olaga o Samoa e uma ona fesoasoani ona toe ula mai lea ma fai fai mai. 

“Ou te lu’itauina lava le tupulaga i lenei vaitau ina ia fa’aoga tatau le taimi e tausi ai aiga ma ia ola alofa. 

“O tatou o limatamatau ia o matua ma ia iloa lelei ona ola fesoasoani ma ia alofa ia aiga. 

“O le 2000 na uma ai le matou mafutaga ma si o’u tina pe sa tu’ua ai foi le tina le aiga i matou mo le lagi, o ina lava sa amata ai ona sui o’u manatu ma maua ai le lagona ina ia taumafai lava aua le lelei o aiga. 

“O lea le manatu ina ia iloa e le tupulaga le olaga tausi aiga ma le fa’amoemoe aua le ola fa’alagolago i se tasi ae ia ola lava le tagata ia mo ia. 

“Ia iloa foi e le tupulaga se tasi o moto “Ou te mafaia mea uma” aua a o’o lava le taunu’uga e mafaia ai mea uma o lea lava le taunu’uga manuia ma le fiafia.

© Samoa Observer 2016

Developed by Samoa Observer in Apia