Faailoga le Aso Malolo o le Aso o Tina i se Tagalaau Matagofie

By Vatapuia Maiava 11 May 2016, 12:00AM

E leai se faiga e sili ona lelei e faamanatu ai le aso malolo o le Aso o Tina-i lo le faatinoina lea i totonu o se Togalaau Matagofie. O lea sauniga i le togalaau sa faatinoina i le Gina’s Garden, i Vaivase-Tai, o se taumafaiga lea a le vaega o Tamaitai  o le Atiina A’e Tau Pisinisi (W.I.B.D.I.) e saili ai se tupe e $230,000 mo se fale e gaosi ai oloa lea o loo fausia i Nuu. 

Ua uma ona maua e lea vaega ni tupe mai le ‘Enhanced Integrated Funa e fausia ai le vaega tele o lea fale gaosi oloa ae peitai-o loo tumau lava ona le lava; o le mea lea-na tulai mai ai se fuafuaga mo se sailiga-tupe. O le Alii Kuka ta’uta’ua, Tusitala ma o se tagata sa faamanatuina e le Televise, o Robert Oliver ma le tagata o le TV1 a Niu Sila o Pippa Wetzell-na faaalia e i la’ua e to’alua le la lagolago mo lea sauniga e ala i le malaga mai i Samoa ina ia auai.

E aunoa ma se ao i le vanimonimo, o malo faaaloalogia (faatasi ai ma ituaiga uma o pulou) sa tali-leleia i se sauniga lea sa faaalia ai le tele o oloa masani ma ofoina atu mo le faatauina.

O lea sauniga na mafai ona faatino e ala i le lagolago a faifaatoaga o oloa masani ma le aufaigaluega a le W.I.B.D.I. ia sa foa’i ane fua o a latou faatoaga, moa ma pua’a mo le vaega saili-tupe. O nisi o le aufaigaluega a le W.I.B.D.I. sa latou foa’i atu foi se vaega o latou totogi faa-vaiaso e fesoasoani i le faatinoina o le Garden Extravaganza. O lea fesoasoani atoa o le molimau lea o le taua o lea fale gaosi oloa i le vaega mo ni tupe lelei e maua mai ai mo faifaatoaga laiti e ala i lo latou mafai ona galuea’ina oloa lelei o ituaiga e auina atu i fafo. Na saunoa le Palemia o Tuilaepa Sailele Malielegaoi e uiga i le taua o lea sauniga-ma le sao o tina i le atiina a’e o Samoa.

“O le asō o le aso malolo lea o lo tatou atunuu e faaaloalogia ai tina o Samoa,” o lana faaaliga lea.  E tusa ai ma le mea ou te manatua, o Samoa lava le malo muamua o atumotu o le Pasefika na faaaloalogia o tatou tamaitai i le amata o le 90’s e ala i le faavaeina o se matagaluega lea na faatuina faapitoa mo tamaitai. Ina ia siitia mataupu ia e faapito ma e tusa ai ma le aganuu  ona avea ma matafaioi a tina i totonu o Samoa. 

“Ma o le manuia lena o tamaiti e tusa ai ma lo latou aoaoina ma mana’oga tau le soifua maloloina, le tumamā masani ma le soifua maloloina o nofoaga i totonu o nuu ma fale e fono ai faapea foi le agalelei faale-aganuu  i tagata e asiasi atu i nuu.” Na viia foi e Tuilaepa le W.I.B.D.I. mo le faalauiloa o faiga masani tau faatoaga.

 “O la tatou mafutaga iinei i lenei aoauli o le tuuina atu lea o le lagolago i le isi taumafaiga a tina i totonu o latou tiute faaleaganuu e pei o galuega tau pisinisi tau faatoaga masani,” o lana faaaliga lea.

O le ituaiga lena o faatoaga e masani ai poo faatoaga faale-aganuu. E matua lelei mo le siosiomaga ma e taugofie, ma e le mafai e tagata ona faataua lo latou soifua maloloina e ala i le taumafa o oloa o le ituaiga lea ua faaleagaina ona o le soona faaaoga o vailaau oona.” . O fua o faatoaga e masani ai o le punavai sili lea o le faatumauina lea e una’ia ai le soifua maloloina. “Ua tatou faalogo e faapea o le mafuaga autu mo lenei aoauli e faasino lea i le faatupeina o se fale gaosi oloa o le W.I.B.D.”.Sa faafiafiaina le ‘Au-valaaulia i le vaega tele o le aso faatasi ai ma le uiga ese o taumafa lelei, vai tipolo, niu ma le pia o le Taula.

By Vatapuia Maiava 11 May 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>