Tagi lava i lima le tausiga o aiga

Tusia Seia Soloi ,

184 Hits

Sam Naoa ma si ana fanau: Tagi lava i lima le tausiga ma le atina’eina o aiga.

Sam Naoa ma si ana fanau: Tagi lava i lima le tausiga ma le atina’eina o aiga.

I lenei vaitau o le olaga ua iai, ua maitauina le tele o lesuiga ua iai nei Samoa pe a faatusatusa atu i tausaga ua mavae aua e omai faatasi lava suiga maluitau o le olaga.

Mo le tama ia Sam Naoa, 42-tausaga le matua ma ii le afioaga o Saoluafata o lana faamuamua i lenei taimi o le tausiga lea o lona aiga ma atia’e lava i mea ua maua.

“Taimi nei i le Malo latou te le’o taamilo e asiasi i aiga i totonu o le atunuu na silafia ai tulaga ua o’o iai Samoa i lenei vaitaimi ma tausiga o aiga. 

E le’o oi o tatou tagat i mea tau meaai.

‘E maua mea uma i le laufanua ma le siosiomaga o le tagata.

“O aiga uma lava i totonu o le atunuu e tagi lava i lima le tausiga ma e maua foi le seleni ma e faigogie lava le mauaina o le itu tau seleni’ o lana tala lea i le Fofoga o Samoa.

I totonu lava ia o le aiga o le tama ia Sam, na ia faaailoa o se aiga e tau atia’e.

“E o’o mai lava i ;e taimi nei o lo’o atia’e lava, aua e lei leva ona matou nofoia iinei.

“Sa matou n onofo i Laulii i lo’u aiga ae o iinei o le aiga lea o le tina o le aiga ua matou omai matou te nonofo ma atia’e ai ma le ma fanau e to’afa”

O le vaai mamao a le tama mo le lumanai, o le fausia lea o sona fale fou ma o lo’o sailiili lava ma tagi lava i lima e ia ma le rina o le aiga.

“O le naunautaiga lava lena o le mea lea ua iai nei o lo’o sailiili lava ma taumafai iai.

“Ae ou te talitonu a lava lea fale e o’o mai lava le oti o lo’o matou nonof ai pea ua lava a lea e tausia ai le fanau.

‘O le manaoga lava ina ia mautu mea uma mo fanau aemaise o le laity ai o e fanau ma o lo’o aoo’oga uma i le aoga tulagalua a le matou nuu nei.

O galuega uma i totonu o le aiga e faatinoina uma lava e le tama ma le tina o le aiga e o’o lava i le faiga o meaai ma le tausiga ai o le fanau i aso uma.

“E sili lava ia te au le nofo i le vao aua e maua mea uma mo le tausiga o le aiga aemaise lava fanau.

“E oo foi i le tulaga o le paipa, o le matou aiga e li-vai mai ai tagata o le matou nuu o lo’o matou nonofo nei, e ola lava le suavai i taimi uma, ma e le mitaina foi.

“Leisi tulaga o lo’o moomia o se fausiaina lea o se falevao (fale-le-tau’a) aua o lo’o faaaoga lava fale sa sau ai Samoa i aso ua mavae.

I le mau a le tama e sili lava le ola i se siosiomaga filemu ma le fiafia.

“I lo matou nonofo ai iinei e ese le filemu mo matou lava ia.

‘Ma e leai foi se tulaga e fia-aai aua o lea lava e atia’e lava i le mea e gata ai lo matou ia aiga.

“O lo’o iai foi le faatoaga e faalagolago iai mo meaai i aso uma, aua o le aiga nei e leai se tagata faigaluega.

“O lo’o saili lava i le mea e gata aia aua se manuia o fanau aemaise lava o le atina’eina o aiga mo se lumaqnai manuia.

Afai ua e fia foai mo le tama ia Sam ma lona manaoga mo le fausiaina o sona fale-le-tau’a fou vili le numera -7788751 po o le 7696080

© Samoa Observer 2016

Developed by Samoa Observer in Apia