Fa’agasolo Ta’amilosaga Volipolo

By Ilia L Likou 11 March 2018, 12:00AM

O le amataga o le masina lenei na amata ai ta’amilosaga voli i totonu o le atunu’u.

O se fa’amoemoega tele o lea ta’amilosaga i totonu o le atunu’u o le  tapena atu lea mo Ta’aloga a le Pasefikla i le 2019 ma o se tapenaga e ao ona tapena lelei i ai.

E tele au o lo’o ua i ai lenei ta’amilosaga ma o i foi o le a piki mai ai nisi e agava’a mo lea ta’amilosaga a le Pasefika i Saute.

E tusa ai ma ripoti mai le Ofisa So’oupu a le Malo , ua galulue faatasi le Matagaluega o Faatoaga ma Faigafaiva ma le Aufaifaatoaga ina ia lava fualaau faisua e toto aua le gaseseina o taumafa mo le taligamalo a Samoa i Taaloga a le Pasefika 2019.

O fualaau faisua e aofia ai kapisi, tamato, kukama, maukeni, pi, isaraelu ma soko.

E silia ma le 5,000 i latou o le a malaga mai mo ia taaloga e aofia ai tagata taaalo, faiaoga ma ofisa o au taitasi.

Na faia se aoaoga mo le aufaifaatoaga i totonu o le atunuu i le Aso Gafua 5 Mati 2018, lea na saunoa ai le Afioga i le Ofisa Sili o Pulega a le Matagaluega o Faatoaga ma Faigafaiva, Afioga Tilafono David Hunter i le taua o lea tulaga mo le aufaifaatoaga.

O le auga ma le faamoemoe o lea aoaoga, ina ia mafai ai ona aotauina le aufaigaluega ma le vaega faufautua a le Matagaluega ina ia siitia le silafia ma le tomai i auala e mafai ai ona gaosia fatulaau aemaise lava i fualaau faisua.

Na saunoa Tialafono e faapea, e taua tele le sao o le aufaifaatoaga i le totoina o ia fatulaau ina ia lava ma totoe, aua o le toatele e le gata o totonu o le atunuu, ae faapea foi i latou e malaga mai fafo, e fiafia e taumamafa i fualaaua faisua.

“E i ai le talitonuga o le a tatou galulue faatasi, ina ia faateleina fatu laau e toto, ina ia lava ma totoe aua le taligamalo a le atunuu o loo alo atu i ai i Taaloga a le Pasefika,” na saunoa ai le Afioga i le Ofisa Sili o Pulega.

“O se avanoa foi mo le aufaifaatoaga e faasoa ai faafitauli o loo gafa ma i latou o lo o totoina fualaau faisua, o fualaauaina taumafa mata aemaise o isi fua o faaeleeleaga o lo o fai ma o latou matafaioi e toto i lea aso ma lea aso.

“O tomai ma le silafia e tatau ona malamalama i ai le aufaifaatoaga, ina ia mafai ona faasaoina mai ai seleni pe a oo ina fetaiai tatou ma fesuiaiga o le tau o lo o i ai nei.”

Na momoli ai le agaga faafetai o se tasi o faifaatoaga le Susuga ia Atinae Ata i le Matagaluega aemaise o le vaega o Laau Toto, ona o lea avanoa ua maua e faalautele ai le tomai ma le silafia o le aufaifaatoaga i ituaiga laau eseese ma vaega moomia mo le lelei atoatoa o atinae o lo o latou faatinoina.

O lea tama e feifiloi lana atinae e pei ona amata mai ai i fualaau faisua, talo, koko ma le popo.

O le fautuaga a le a tama mo le aufaifaatoaga, ina ia agai i le Matagaluega i le Vaega o Laau Toto e faasoa le faafitauli o lo o gafa ma le faifaatoaga.

“E lelei le faailoa o faafitauli, ina ia silafia e le Matagaluega ona galulue lea o le Matagaluega mo se fesoasoani mo ita ma lata faatoaga.’

O le Iuni a Europa lea na faatupeina le faagasologa o lea aoaoga, ma o le Matagaluega o Faatoaga ma Faigafaiva i le faigapaaga ma le SPC lea na faataunuuina ai lea aoaoga mo le aufaifaatoaga i Samoa nei.

By Ilia L Likou 11 March 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>