Naunauta’i lava mo manuia o Aiga

By Fetalai Tuilulu’u 11 March 2017, 12:00AM

O le soifuaga ua tatou iai nei, ua tele le suiga pe a fua atu ai I aso ua mavae, ae o le olaga e alu I luma faapena foi le tau o lesoifuaga.

O le manatu faaaalia lea o le tama ia Sū Sione, 58 tausaga le matua mai le afioaga o Falelauniu ma Satupaitea, Savaii.

“O le silafia o matou sa matou omai mai Savai’i ma nofoia i nei ma fa’atau ai le fanua o lo’o matou nonofo ai nei. 

“Ua tele le suiga o le olaga, ua fai tele sina taugata pe a faatusa atu i aso ua alu fai o mea fai I totonu o aiga, ae o le tausiga o le nuu ma le ekalesia ma mea e fai, aua o tupe uma mea uma.

I totonu o le aiga o Sū, e tele mea o lo’o moomia aua le faaleleiina o le aiga I le itu e tausi ai fanau.

“O lo’o moomia lava se matou tane vai mo le sefeina o vai faaaoga aua o le mea moni lava ia o le tasi lea o itu o lo’o alu ai le tele o tupe, o le maimau o le vai ma o lo’o mita foi.

O lona manatu, o le suavai o le ola lea o soo se tagata, ma o lona manaoga foi ina ia teu malu ma sefe le suavai ma le alu ai o tupe e tele.

Na ia faailoa foi, o le taugata o le soifuaga e le’o se mea fou ua leva ona iai.

“E tele lava le eseesega le olaga i Savai’i ma le ola i nei, e leai lava se eseesega o le olaga i nei Upolu ma le olaga i Niu Sila fai o pili o le vai e totogi, ua tupe lava mea uma ae la gata i lea o mea fai le ekalesia ma le nu’u. 

“O le olaga nei e faigata ae a le aunoa ma le galue ma le naunau ia lelei ma lava le fa’asoa e leai se mea lelei e maua. 

“I tulaga o lo’o popole ai si o matou aiga, o le fia maua lava se tane vai e fesoasoani ai le pili vai aua out e ta’utino atu tele lava o tupe o lo’o alu le totogiina le pili vai.

O le naunautaiga le tamā ina iai se isi fesoasoani i le tele le taugata le soifuaga ua iai nei Samoa. 

By Fetalai Tuilulu’u 11 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>