Foia vave le fa’afitāuli i le N.P.F

By Fetalai Tuilulu’u 11 March 2017, 12:00AM

O le aso ananafi sa maua ai le fa’atalatalanoaga a le Fofoga o Samoa ma le tāma ia Pelenā Toga o le afioaga o Nu’u Fou ma Faga Savai’i. 

Sa ia fa’alia ai le tele o le suiga ua iai nei Samoa, ma le tele o fa’afitauli ua alia’e mai i totonu le tatou mālo. 

Petai sa ia tāua foi po le ā lava le tele o ia fa’fitauli ae a iai lava le naunautaiga ina ia ave iai le fa’amuamua ma ia iloa ona foia e foia lava.

O Pelenā Toga o se tāma 53 tausaga le matua le soifua ma o lo’o lē fiafia lava talu ai suiga ma le tele o tulaga ua alia’e mai i totonu o Samoa 

“Ua tele lava le suiga le olaga ia iai nei. 

“Ua tele lava le solitulafono ma le tele o fa’afitauli ua alia’e mai i le tatou atunu’u, ma ua avea ma tulaga e tele ai le vevesi ma tusitusi lima lava leisi tagata i le isi. 

“Tou silafia foi, tele o fa’fitauli ua fa’asino lava ma tu’ua’i ai le tele o nai tagata o lo’o naunau fia malamalama ma nisi foi o lo’o finau i se mea moni peitai o lo’o ia lava tulaga e tatau on ave iai le fa’amuamua.

“Pei la o le tulaga lea i le N.P.F i saofaga a tagata mo tatou. 

“Ou te nofo ma lo’o le fiafia ma e tatau ona silafia le atunu’u ia tulaga ina ia nofo mata’u iai. 

“Ou te le talitonu e iai nia vaega i totonu o Samoa, ou te le talitonu e fa’atagaina e tatou tagata lava ona omai tagata mai fafo ma nõnõ mai tatou tupe. 

“O le tulaga lea e tatau lava ona silasila toto’a ai le malo, aise ua mafai ai ia tulaga fa’apeia ae o tatou tupe. 

“Le isi itu e tigā ai le loto ona o le masina na te’a nei sa ou alu ai e nõnõ mai se tupe peitai sa le mafai ona o tulaga e tau le fa’agaioiina ma le sainiina o pepa. 

“Tala tu’u mai pe ana fa’apea e ova ma le afe se seleni ae na’o le $100 lava ae le mafai. 

“Ae o lo’o maua tala o lo’o omai tagata mai fafao ma nõnõ atu a tatou saofaga i se auala faigofie. 

O le ita le tamā i le mea ua tupu sa ia fa’ailoa ai o le matapu lenei e le’o sina mataupu laititi. E ao lava i le minisitā ma le mālo ona ave le fa’amuamua i ia vaega ma sei silasila toto’a iai aua lava le sefe o tagata ma le puipui i ā tatou mea totino 

“E ui lava i ia fa’afiatauli ae a le aunoa ma le tatalo ma moli talosaga le ali’i e leai lava se mea e foia. 

Na taua foi e le tamā o lo’o sologa lelei tulaga uma i totonu si ona aiga. 

By Fetalai Tuilulu’u 11 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>