“E iai foi la’u matafaioi o lo’o fai” - Lene Leaupepe

By Seia Soloi 11 March 2017, 12:00AM

O le tala mai lea a le taule’ale’a o Lene Leaupepe, 29 tausaga le matua mai i Falelauniu.

O ia o se alii talavou e le’i fai-aiga ma o lana faamamafa o le tausiga lea o lona aiga i mea e moomia ai lana fesoasoani.

“E iai foi la’u ia galuega o lo’o fai, ele faapea a leai se aiga ma se fanau ona leai ai lea o so’u aoga mo lo’u aiga” o lana tala lea i le Fofoga o Samoa.

O lo’o nonofo nei ma lona tuafafine ma lana fanau i Falelauniu, ma o lo’o faigaluega i le Bluebird i Vaitele. 

“I le taimi nei o lo’o o’u faigaluega ma tausi lo’u aiga, aua ua leai ni matua e tausi ae ua ola lava le tagata ia ma tausi lona lava ia aiga.

“O la’u tupe maua mai i la’u galuega o lo’o feololo, e fesoasoani ai i mea fai i totonu o lo’ aiga aemaise mea afai a le lotu.

Na ia tau’a foi, e moni lava ua taugata le soifuaga ua iai nei ae a galue lava le tagata ia mo lona aiga, e maua lava mea aua le tausiga o aiga.

“E pei ua masani ai lava o tatou tagata i le tele o mea fai e faaaoga ai tupe, fai o mea i totonu o aiga, nuu ma le ekalesia, aua o tupe uma mea uma. Ma o leisi lea auala o lona faigaluega ai ona o le moomia tele o se fesoasoani mo totonu o lo’u lava aiga.

O le vaai mamao a le alii ia Lene mo le lumanai o le faia lea o sona lava ia aiga ma atia’e o ia lava i mea ua maua i ona lima.

“O le ala lava lena ua ala ai ona faigalueaga aua a oo atu i le taimi ua fai ai aiga ma tausi lava aiga, ua iloa le mea e tatau ona fai aua le tausiga o fanau, mo le lumanai.

“O le galue malosi lava, aua o le tausiga o aiga e le’o se mea faigofie, o mea ua maua ua lava lea ma totoe mo a’u ma lo’u aiga.

By Seia Soloi 11 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>