“Gita o le fa’aaliga mai le lagi”

Tusia Deidre Tautua-Fanene ,

172 Hits

O se tasi o fa’afeagaiga mai Lelata o lona finagalo fa’aalia o le afā o Gita o le fa’aaliga lea mai le lagi.

O le talitonuga o Opeta o le faia o lafoga a faifeau e le alagā tatau lea ona fai ma e le sa’o fo’i lea i luma o le silafaga a le Atua.

Ae o le afā o Gita o le fa’aaliga lea mai le Atua e ta’u atu ai i ta’ita’i o le atunuu ina ia toe mafaufau tasi lava i le latou fa’aiuga o le faia lea o lafoga a auauna a le Atua.

Sa ia fa’aalia fo’i e tatau i le malo ona fa’amuamua le fausian o le pa o lo’o faia i Vaisigano .

Ona o lenei le itu o soifua o le mamalu o le atunuu o lo’o nonof i lea nofoaga ma latou meatotino e tatau ona fa’amuamua e le malo.

O le fale o Opeta sa fa’asaoina ae peita’i o lona fanua atoa sa fa’aleagaina uma lava i so’o se taiami lava e tutupu ai fa’alavelave fa’aalenatura.

“A o’o ina uma lologa, e mafatia lava matou ona o le tele o le lapisi fa’apea ai le to’a o le palapala I I luma o le matou fale e polokaina ai le auala ta’avale,” o lana saunoaga lea.

“Fai lava si malosi o savali anapo, e ui ina matou nonofo i le fale piliki ma lona fa’avae e maualuga, e fa’alogoina lava tauau ina aveese atu le taualuga o le matou fale.

“Afai ae fa’aauau lava len tulaga lenei o le tau e i’u ina alu ese atu ai ma le fa’ase’e o le matou fale ma fa’aleagaina ai le auala ta’avale ona leai ai lea o se mea totoe.”

Sa ta’ua e Opeta o le fale o lona tuaoi sa matuai fa’aleagaina uma lava.

I le fa’atalanoaga a Tuilaepa sailele Malielegaoi sa ia te’ena ai tu’uaiga e fa’apea o le vaiaso tatalo a le malo e le’o i ai i se tulaga lelei.

Sa ia fa’aalia fo’i e laki Samoa e na o le Vaega tasi le malosi o le afā.

Sa ia fa’ailoa ai o foliga va’aia ia o lo’o fa’apalepale lava le Atua i a Samoa ma o lo’o tu’u avanoa fo’i i tagata e le’o fa’amaoni i le taimi o le vaiaso tatalo a le malo.

© Samoa Observer 2016

Developed by Samoa Observer in Apia