Fa’aletonu ālavai!

By Ilia L. Likou 11 February 2017, 12:00AM

O lea le talitonuga o le tamā i a Latu Latulei i le Fofoga o Samoa i le mafuaga o le lologa so’o ai o nofoaga o lo’o alala ai lo latou aiga ma nisi o le to’atele i Taufusi.

“O le itu e pito sili ona taua i a te ia ile taimi lenei o le saogalemu o lona aiga.

Na ia fa’ailoa i le Fofoga o Samoa o se itu e ao lava ona silasila lelei i ai, aua lava le lelei alu i luma o lona aiga aemaise lava i  vaitaimi o aso timuga.

“Ia o a’u ou te tu’ua’ia lava le leaga o alavai e pei o lo’o ua i ai nei, ma o le mafua’aga fo’i lea o le sau o le vai i’inei.

“Ia e pei ona outou maitaua maia a o’o i letaimi e oso ai ese le vai mai alavai ona o le leaga o vaega ia e alu atu uma le vai i le pito le la.

‘O se itu ou te iloa lava e a’u ia e le taitai ona lelei mo le soifua maloloina.

Na ia fa’ailoa o le ‘itu lava e popole ai ia o fanau a si a’u  fanau olo’o o matou mafuta.

“O le tele lava o taimi , ia e taumafai lava e ave le fa’amuamua i le soifua maloloina, aemaise lava o vai aoga mo nai fanau.

“Aua e pei ona outou maitau maia, ia e tiga lava le taugata o faguvai ae taumafai lava e fa’atau mai ona o le manatu alofa i aiga.

‘O le fa’apuna  lava o vai o lo’o  o matou galulue ai nei, ma le agaga maualuga lava ia fa’apena ona taumafai mai lea i le fa’alelei atili ai o vaega uma nei.

‘Aua a alualu tupu se fa’alavelave e leiloa po o ai o le a tua’i ai lenei vaega tele.

Na ia ta’ua o le itu lelei ai o le taumafai lava e fa’aaoga le tele o fautuaga aua le lelei o aiga.

“Ia e pei o lea lava lava le fa’amoemoega tele o lo’o ua i ai nei.

“E ui lava ina faigata ae taumafai lava, e pei o lea lava la’u ia faitioga, i le umi ai ona i ai nei tafega i vaega nei, ia o le leaga lava o alavai aemaise o tagata i le magafagafa lelei.

“Ia e le tau fa’ailoa atu aua o lo’o outou silasila mai lava i aso uma le tulaga pagatia o lo’o ua i ai nei, o se itu ua le mafai ona alofia.

By Ilia L. Likou 11 February 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>