Ave e le Tautua le faigamalo i le fa’amasinoga

188 Hits

Ta’ita’i o le Tautua Samoa, Palusalue Faapo II

Ta’ita’i o le Tautua Samoa, Palusalue Faapo II

Fa’aliliuina: Ilia L Likou

 

Ua tu’uina atu nei e le Vaega o le Tautua la latou mata’upu i le Fa’amasinoga fa’atatau i le solia ai lea e le Palemia ma le malo o faiga fa’avae i totonu o le Palemene.

E tusa ai ma le fa’atalatalanoaga ma le ‘au tusitala i le aso ananafi, na fa’ailoa ai ma le manino e le Ta’ita’i o le Tautua lea tulaga e pei ua fa’atinoina nei.

O lo’o fa’asino tonu lana saunoaga i lalo o le fuaiupu o le fa’avae vaega, 32 lea e fa’apea e le’i mafai ona fa’amavae le malo ina ua ma’ea ona fa’amavae le afioga, Faunmuina Tiatia Liuga.

E pei ona silafia o le afioga i a Faumuina Tiatia Liuga na mafua le fa’amavae ona o nisi o faiga fa’api’opi’o i totonu o le Fa’alapotopotoga o Ele’ele i Samoa e tusa ai ma lipoti o le kiomiti faapalemene.

O ia tu’u’aiga i  faiga fa’api’opi’o na tula’i mai a’o avea ai o ia ma Minisita, lea na mafua ai loa ona fa’amavae mai le Kapeneta i le 2014.

“Ua o latou soli le fa’avae” o lana saunoaga mai lea.

“E tusa ai ma le vaeag  32 i lalo i faiga fa’avae , o le mataupu lenei e le o se mataupu fou na tulai mai le taimi na faamavae ai Faumuina ona o tuuaiga lea na faasino ia Faumuina e tusa ai ma le lipoti o le kiomiti faapalemene lea na tu’ua’ia ai.

 Tatau na molia le tulafono tuuaiga

Saunoa Palu o le Afioga i lana Ao Mamalu o le Malo, Tui Atua Tupua Tamasese Efi e na te tofia se malo le tumau i le taimi lenei e pei ona i ai i totonu o le fa’avae.

Saunoa foi le  Sui Faipule mai Salega, Afualo Dr. Wood Salele ma taliaina lea tulaga.

Na ia fa’ailoa o le taimi lava na fa’amavae ai Faumuina i lona lava loto fuatiaifo , sa tatau ai fo’i i le malo ona le toe ta’ita’ia le atunu’u ae tu’uina atu loa i le Ao Mamalu o Samoa lea vaega mo le filifiliaina.

“O le a le tulaga e ao ai fua ona faia nei fono pe a mafai e le mafai ona mulimulita’ia’ faiga fa’avae.

“Na fa’atali lava i le taimi na uma ai le Palemene pe o le a se tulaga e ono tula’i mai-ia ae leai lava se mea na tula’i mai o le mea la lea ua matou avea ai nei le mataupu i le fa’amasinoga.

O lea fo’i le tulaga na saunoa ai le faipule o Vaimauga e fa’amanino pea lea tulaga, Lefau Harry Schuster.

© Samoa Observer 2016

Developed by Samoa Observer in Apia