O le a ta’aalo le Manu Samoa ma le Melbourne Rebels

192 Hits

O le taaloga a le Melbourne Rebels a’o lumana’i ai le taamilosaga o le a maua ai se tofo faava-o-malo i le 2016, ua faaulutala o se fetauiga lea ma le Manu Samoa. 

O le a amata taaloga faata’ita’i a Melepone e ala i le malaga atu i Aukilani i le aso 4 o Fepuari a’o lumana’i ai le taaloga muamua ma Samoa i lo latou malae i le aso 18 o Fepuari. 

.O lea taaloga e faapitoa lona taua mo nisi o tama taalo o le Rebels e aofia ai Laurie Weeks, Cruze Ah Nau, Pat Leafa, Siliva Siliva, o i latou uma ia e i ai o latou sootaga ia Samoa.O le tama taalo o le Rebels o Weeks fai mai o loo faatali o ia ma le loto fiafia i le lu’itau-o le faafesaga’i lea ma le Manu Samoa i le masina fou. 

 “Ina ua mavae se vaitaimi umi a’o lumanai ai le taamilosaga-e tumau pea le fiafia o le i ai lea o se taaloga muamua i le aiga e faatino ai ia tapena uma ma galuega mamafa, “ o lana faaaliga lea. 

O le Lakapi a Samoa o loo i ai sona tala faasolopito fiafia ma ou te faamoemoe o lenei taaloga o se lu’itau lea. E lapopo’a i latou, saosaoa ma e matua tino malolosi lava ma le faiga o le latou taalo.” 

Ona o le toatele o tagata Samoa i totonu o Melepone, o ni nai vaiso e le faapea o le  maua ai e le ‘au a le atunuu le lagolago i lea taimi uma.

“O tagata e lagolagoina le Rebels e matua loto alolofa lava e o lea foi e i ai tagata o le Lakapi a Samoa.

“E ono i ai foi ni nai tagata tapua’i o le utia i le va o le lagolagoina o i tatou ma le mitamita faale-atunuu. Ae tatou talosia o le a le malelemo i latou e lagolagoina le Rebels i tapuaiga alaga mo le itu tete’e.”

O lea foi taaloga o le a faamaonia le avanoa muamua mo le ‘au-tapua’i e vaaia ai a latou tama taalo fou o taaalo i le AAMI Park, e aofia ai ma tama taaalo faava-o-malo o Adam Thomson ma James Hanson. O sui uma lava o le Rebels ua fai a latou pepa ulufale o le a mafai ona latou auai e aunoa ma se totogi mo lea taaloga, ae o ia pepa e ulufale ai e amata mai le $6 mo tamaiti ma le $12 mo tagata matutua.

E amata le taamilosaga o le Super Rugby a Melepone i le so Faraile Fepuari 26 e faasaga i le Western Force i le nib Stadium. 

© Samoa Observer 2016

Developed by Samoa Observer in Apia