E mafai e tina so’o se galuega

Tusia Vatapuia Maiava ma Ilia L Likou ,

155 Hits

Le tamā i a Anitele’a Enele o Toāmua. ATA/Misiona Simo

Le tamā i a Anitele’a Enele o Toāmua. ATA/Misiona Simo

E le taufesiligia le tele o galuega lelei ma le atoatoa a tinā ua iloga lona fa’atinoina i totonu o le atunu’u.

O le tinā i a Vise Kalati o Sale’imoa, na maua e le Fofoga o Samoa le avanoa e fa’atalatalanoa ai a’o fa’atauina ai le tele o fua o lana fa’atoaga i se tasi o pitonu’u o le afioaga o Moata’a i le aso ananafi.

E 40 tausaga le matua o lona soifua, o lona to’alua o se Inisinia e to’alima o la’ua alo. 

O le usua’i mai ai o Vise mai Saleimoa i Moata’a i taeao uma talu na amata ona ia selesele i lana fa’atoaga i le tolu masina talu ai, na ia fa’ailoa i le Fofoga o Samoa, o se fiafiaga tele lea i a te ia.

Na ia ta’ua, o ia e ta le fa i le vaveao ua mae’a ona tapena le fanau aoga,  o fuala’au mata ma ‘aina o lana fa’atoaga mo le fa’atauina, ma e fetaui le malama ane o le taeao ,ua sa’ofa’i i totonu o lona fale ie.

 “Ina ua fua mai, ma ma selesleina, oka se fa’afiafiaina,”Vise Kalati.

“I a te a’u lava ia, e leai nisi, na o a’u ma lo’u to’alua ma la’u fanau e to’alima.

“O le faigata ia i le taimi na tau amata mai ai, i le tau atina’eina, ae le gata i lea o le tōtōina o fuala’au ‘aina.

“E i ai fa’afitauli e pei ona i ai meatuā’olo, masalo ana fo’i ai ma’ua, ia ua uma.

O Vise o lo’o auai i le Ekalesia Aso Fitu ma na ia fa’ailoa o Polokalame a le Ekalesia na fa’amalosia ai lava o ia ina ia galue pea mo le atina’eina o le aiga.

“E i ai a’oa’oga a le matou Ekalesia, ina ia aua nei o’u fa’amoemoe i galuega a le tamā.

“I le amataga maia o le fa’atoaga, na  i ai tama na aumai mo le tōtōina o fuala’au ma e le’i  fa’aogaina ni fetilaisa. “O le tupe lelei ia, ma ou te ta’utino atu lava  e le’o gau la’u sau i aso uma, a laititi la’u seleni e maua e $80, i le aso.

 “O le tele o fa’afitauli, e matou te le’o foi ai lava.  “O le taimi la lenei, o lo’u mafaufau e le toe uma la’u mea lenei e fai.

Na ia ta’ua, o lana fa’atoaga na amata mai lona tōtōina i le fa’ai’uga o le tausaga na se’i mavae atu nei.

“O Me o le tausaga lenei na amata ai loa ona la’u mai au fuala’au e fa’atau ‘i’inei.

“O a’u ua tu’u atoa lava lo’u loto  i la’u flea makeki…o sa’u fautuaga mo tinā o lo’o i ai fa’afitauli (tau tupe), aua le faamoemoe i ta’itoalua e maua mai ai tupe, e tele mea e fa’aaoga ai le taimi.

“Ia te a’u lava ia, a fa’apea e le faigaluega lo’u toalua, ou te iloa e mafai lelei e la’u makeki lea ona tausi le aiga ma fa’aa’o’oga  la’u fanau ma e mafai lava e a’u ia ona atina’e la’u fanau.

© Samoa Observer 2016

Developed by Samoa Observer in Apia