Faamalosi le Minisita i le ‘Au - Ta’alo a Samoa

289 Hits

O LE ‘AU A SAMOA: O nisi o sui o le ‘Au-Taalo a Samoa o loo i Taaloga a le Olimepeka i Rio.

O LE ‘AU A SAMOA: O nisi o sui o le ‘Au-Taalo a Samoa o loo i Taaloga a le Olimepeka i Rio.

Na asia le ‘Au-Taalo a Samoa e le Minisita o A’oga, Taaloga ma Aganuu, o Loau Keneti Sio i le Nuu o Taaloga a le Olimepeka i Rio ma faala’ei’au i le tatou ‘au-taalo ina ina o latou faia le mea e sili ona lelei latou te mafaia.  

O le ‘Au a Samoa e to’avalu ona sui tauva ma alii ofisa e 12. O le Minisita o Loau o se tama taalo tuai o le Manu Saoa i le laina i tua-sa maua sona taimi e talanoa ai i le ‘au-taalo ia o le a tauva i le si’isi’i u’amea mamafa, taaloga tamoe poo le afeleti, o le ‘a’au ma le ta’ito’atasi i folauga ma le judo. 

E talitonu le minisita o le a lelei se faatinoga o taaloga e le ‘au-ta’a’alo a Samoa e tusa ai ma latou taaloga o le a tauva ai.

O le sau i le Rio 2016 o se mea fou lea mo le minisita lea na filifilia i taimi amata o lenei tausaga.Fai mai le Minisita mitamita o Samoa o le a latou toe foi atu i le laupapa a’oga e toe faalelei ai mai mafo’efo’e.

Ua tuu atu le silasila a Loau i le itu pe faapefea ona toe taliu atu Samoa i totonu o nisi o taaloga ua lauiloa ai, e pei o le lakapi 7, fusuaga ma le si’isi’i u’amea mamafa.

Fai ma a ia o tagata uma e aafia ai-malo, faalapotopotoga tau taaloga, le Samoa National Olympic Committee – e tatau ona galulue faatasi.  “E tatau i le Malo ona fai le mea e tautala ai ma sasa’a mai manuia i totonu.  E tatau ona tatou faia ia mautinoa tatou te le o faatemutemu i totonu o ia mea.

O i latou o faafoeina faalapotopotoga tau taaloga e tatau ona tuu i totonu tagata tonu ma le lelei,” o le faaaliga lea a le Minisita o Sio. 

Na auai o ia i le fono a Minisita o Taaloga a le Taupulega ma ua na faia ai ni faiga-uo tau ma fesootaiga.

© Samoa Observer 2016

Developed by Samoa Observer in Apia