Ua tῡtῡ le Helicopter i luga o le eleele – mo le taimi nei

Tusia Mathias Huckert ma Faaliliu e Seagaitumua Tupuola ,

146 Hits

TOESEA ONA O LE SAILIA O SE PAILATE FOU: Rodger McCutcheon o le  Samoa Helicopters o loo faafaigaluegaina  i le taimi nei  se pailate lona lua mo lana kamupani

TOESEA ONA O LE SAILIA O SE PAILATE FOU: Rodger McCutcheon o le Samoa Helicopters o loo faafaigaluegaina i le taimi nei se pailate lona lua mo lana kamupani

O le vaalele ‘helicopter e tasi o I totonu o Samoa e ono mafai ona le toe felelea’i i soo se nofoaga i se taimi vave. O le mea moni, o lea vaalele helicopter e faasino i le Samoa Helicopters Company lea na faatoa faatu talu ai nei  ae o lea ua le mafai ona felelea’i mo ni nai vaiaso ua mavae. O lenei tulaga ua fesilisili solo ai tagata o le atunuu ia o loo masalosalo pe o le a le mea ua tupu.

O ni taumafaiga e fesootaiI atu i le Pule ma Le na faavaeina lenei kamupani o Rodger McCutcheon, i le faagasologa o nai aso ua mavae sa le faamanuiaina.

Sa faailoa mai i le Samoa Observer e faapea o loo toesea o ia mai le atunuu. O le ofisa itiiti o lea kamupani i Mulinuu o loo tapuni ae o loo i ai pea i lea nofoaga le helicopter o loo tu i luga o le eleele. O le laina faapitoa mo faalavelave faafuase’i-sa le mafai ona tali mai.

Ae fai mai se tamaitai faipisinisi e latalata i tagata ia o loo faafoeina lea auaunaga o loo saili e le Kamupani se pailate fou. “E tusa ai ma lo’u iloa  (o lea ua maua e le Samoa Helicopters) se pailate fou mai Niu Sila,” o le faaaliga lea a le tamaitai.

“O le isi pailate lea ua leva ona galue mo i latou ua alu ese mai le atunuu, ma o le tulaga tonu lena ua matou iloa e uiga i lea mataupu.” Sa le mana’o lea tamaitai faipisinisi e faaali ni ona manatu e uiga i lipoti e faapea sa i ai se mataupu e faasino i le helicopter.

“O loo lelei pea lea helicopter i le taimi nei, ae afai e sa’o le mea lea ou te manatua, o Rodger (McCutcheon) na tuua le atunuu i le Aso Lulu talu ai,” o lana faaaliga lea.  “Ae peitai, na te le’i faailoa maia pe o afea tonu e toe foi mai ai,” o le mea lea-atonu o lea tulaga e mo ni nai vaiaso.”

O taimi amata o lenei tausaga, na faamaonia ai e le Palemia o Tuilaepa Sailele Malielegaoi le kamupani. “A pa’ia loa teugatupe faafaigaluega a tagata ia e mafai ona faasaoina ai soifuaga-o lona uiga- e tatau i le malo ona fai se gaoioiga e talafeagai ai,” o le faaaliga lea a Tuilaepa. 

“O le matua leai lava o se aoga ma e le talafeagai ai mo soo se faigamalo ona faatalale i se auaunaga o lenei ituaiga.” “Ua ia te outou le faamanuiaga a le malo ma le lagolago. Ma ou  te una’ia outou ina ia faagasolo faagasolo loa i le saosaoa atoatoa.”Talu mai lona tatalaina aloa’ia, ua leva ona faaaogaina e le kamupani lana Eurocopter e faatino ai malaga tau maimoaga ma se auaunaga faa-foma’i mai Savaii. 

 “Ou te loto i le faasaoina o soifua o tagata Samoa. O le helicopter muamua o helicopters e lua mo Samoa sa filifilia ma le faaeteete mo le saogalemu, faatuatuaina, tulaga lelei mo le pasese ma lona mafai ona faaaogaina mo soo se mea,” o le faaaliga lea a Mr. McCutcheon.

“O la matou faamaumauga tau le saogalemu ma le tulaga lelei o mea e faailoa atu ma le tausiga ua fetaui lelei ma tulaga aupito i maualuga, ma ua matou aumaia lenei tulaga i Samoa ma le faamoemoe ina ia fai ai se sao lelei ma le taua i femalagaiga a Samoa ma fuafuaga tau le turisi.”

© Samoa Observer 2016

Developed by Samoa Observer in Apia