Saili galuega-meaalofa sili lea mo le Aso Sa o Tina

By Fetalai Tuilulu’u 10 May 2017, 12:00AM

Ao faasauni atu ai mo le faamanatuina o le Aso Sa o Tina i lenei vaiaso i totonu o Samoa ma le lalolagi atoa e tasi lava le manaoga o se tasi o tamaitai talavou mai le afioaga o Vaitele-fou ina ia vave maua sana galuega o lana meaalofa sili lea mo lona tina

Maima Afoa, 22-tausaga le matua o lo’o faatau meaai Samoa e pei o suafai ma le koko-esi i luma o le faleoloa o Farmer Joe i Vaitele.

“E roafitu i matou ma o la’u galuega masani lava lea o lo’oo faia e fesoasoani i lo’u aiga i le itu tau seleni aua manaoga o lo’u aiga

“Ma ia te au ou te le fia nonofo umi ma leai sa’u galuega o faia ae ua tatau ona fesoasoani i o’u matua ma o’u uso ma tuagane

“Ou te fiafia lava e fai tusa lava pe laitiiti se seleni e maua ae ou te taumafai lava ina ia fesoasoani i lo’u aiga

“O nis o aso e maua ai lava le ova ma le selau tala pea lelei lava lena o aso ae a faaletonu ia ua latalata lava i le selau aua e fuafua lava i le au faatau

“Tele suiga i lenei vaitau o le soifuaga i tupulaga talavou ua le fia saili fesoasoani mo aiga matua ae ia iloa lelei o mea uma i le olaga e aoga

Pau le naunautaiga ia Maima ina ia vave maua sana galuega ua lava ma totoe lea meaalofa mo lona tina i le Aso Sa o Tina i enei tausaga 

“Out e le filifili galuega o le galuega lava ua iai o lena lava” o lana tala lea i le Fofoga o Samoa

“O le faatauina o suafai ma kokoo-esi o le galuega lava ae out e mana’o lava i se galuega e ono tele ai sa’u tupe maua mo le aiga

“O le tupe maua mai a’u mea o lo’oo faatauina e mo le pili o le suavai ma le eletise ae o le mea e totoe ai e sefe lea aua e leiloa lava mea e tutupu i le lumanai

“O le loto alofa lava i e aiga ua faia uma ai ia tulaga ma out e fiafesoasoani i nai o’u uso ma tuagane laiti

“O lenei olaga ua taugata le soifuaga ae e taumafai lava i le seleni ua maua mo se fesoasoani i le aiga

“Po o lea lava le galuega ua maua mai e talia lava out e le filifili galuega foi pau le mea taua ina ia mafai ona ou fesoasoani i lo’u aiga

O le manaoga o Maima ia silafia e lona tina le moni o lona alofa ia te ia aua le faamanatuina ai o le Aso Sa o Tina i Samoa

“O le faatauina o meaai samoa o la’u ia foi lea sao i lo’u aiga i lenei taimi ua iai

“Ma e faaalia ai foi lo’u alofa moni i lo’u tina i se galuega o le a maua mai

“O la’u fautuaga foi lea mo nisi o tupulaga o lo’o faapalapala i lenei taimi o le saili a o galuega manu o maua le taimi nei tei ua tuai

E maua le tamaitai ia Maima i le telefoni 7632319 pe a o fia ofoina ai sau galuega mo ia.

By Fetalai Tuilulu’u 10 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>