E eseese lava tagata ma o latou galuega mo le tausiga o aiga ma fanau, ae mo e tama ia Maua Selimo o ana galuega o lo’o faia e mo lona tina matua ma lona aiga

O le tama ia Maua ua 55-tausaga le matua mai le afioaga o Aleisa Sasa’e o lana faamuamua e mo lona tina matua ma lana fanau

E na’o ia lava e faia galuega mo lona aiga ma o lo’o faamoemoe foi iai lona aiga aua le tausiga ai o le ola mo aso uma

O aso uma e taumafai ai lava mo se manuia o fanau ma aiga aemaise o matua, ae o lo’o ia taumafai lava i le mea e gata ai le mafai

“Pau le mea e faafetai ai o le seleni o lo’o maua mai i la’u maketi lea o lo’o fai e talafeagai lava mo a’u lava ia ma lo’u aiga” o lana tala lea i le Fofoga o Samoa

O lana lea masani i aso uma o le faatauina lea o  fua o lana faatoaga aua se sailiina lea o se seleni mo lona aiga

“Pau lea o le tulaga o lo’o faamoemoe iai o le faatoaga ma o lo’o faatau atu mo se tupe maua mo le ola a ii aso uma

“O tupe o lo’o maua ma ii le maketi nei e mo le pili o le suavai ma le moli e taitasi lava i le masina

O lana mau, ua taugata tele le tau o le soifuaga

“E le’o aiga uma i Samoa e tutusa. O nisi o tagata o lo’o taumafai pea ina ia maua e o latou aiga mea aua le ola ai i aso uma o nisi e le maua lava ni mea ona o le taugata o le olaga

“O e mea taulia o le loto faafetai ona o mea ua foai ma maua mo aiga ma fanau

“O lo’o atia’e lava le fanua ma faalagolago lava iai i mea ua maua mai tusa lava pe e le tele se tupe e maua mai ai ae o le mea taulia ia maua lava sina seleni mo aiga ma fanau

O leisi tulaga taua i le mafaufau o Maua ina ia maua e lona aiga le ola fiafia

“Tusa lava po o le a le faigata o lea e iai, ia ola fiafia le aiga ma fanau” o lana tala mai lea

O mea fai i totonu o le nuu ma ekalesia ua taugata tele pe a faatusa atu iai

“O faalavelave faale-aiga ua taugata tele ma e faia lava aua ua masani ai o tatou tagata

“Matou te iloa lava e lelava ae e taumafai atili lava iai i le malosi e gata mai ai ina ia manuia aiga ma fanau

“E faigata le olaga ua iai nei ma e le mafai foi ona tatou faia nisi tulaga aua ua masani ai

O le faamamafa a le alii o Manu e mo lona tina-matua

“Lea ua loma mai le faamanatuina o le Aso Sa o Tina ma o le mafuaaga tonu lava lea ua ou taumafai malosi a ii la’u maketi aua ua lata mai foi le aso mo latou

“O le tina e le manbao lava ini meaalofa o le mealalofa sili e mo lana fanau ia faia mea uma o lo’o ia manao iai

“Ma e avea foi lea avanoa e momoli atu ai faamanuiaga mo tina uma o Samoa mo le faamanatuina o le Aso Sa o Tina i Samoa atoa ma atunuu e mamao