Toe fa’aleleia le tu’ugamau o Purinisese Diana mo le fa’amanatuina o le 20 tausaga talu ona tu’umalo

Tusia Ben McClellan ma Fa’aliliu e Maiava ,

186 Hits

PURINISESE DIANA : O le a toe fa’aleleia le nofoaga i Althorp o lo’o lagomau ai le Purinisese ina ia fetaui ma le fa’amanatuga o le 20 tausag talu ona tu’umalo, i le tausaga fou.

PURINISESE DIANA : O le a toe fa’aleleia le nofoaga i Althorp o lo’o lagomau ai le Purinisese ina ia fetaui ma le fa’amanatuga o le 20 tausag talu ona tu’umalo, i le tausaga fou.

O le a faia se galuega tele mo le toe fa’amatagofieina o le motu lea o lo’o lagomau ai nei Purinisese Diana, ma o lea galuega ua fuafua e miliona ma miliona tala lona tau, o se vaega o le ulua’i galuega mo le toe fa’afouina o lea togala’au tele a le Aiga o Spencer, talu mai le 350 tausaga talu ai. 

I se fa’amatalaga i luga o upega-tafa’iLagi, o lo’o ta’ua ai lea “poloketi tele’, o le a va’aia e le faletua lona tolu o Earl Spencers, o Lady Karen lea sa la fa’aipoipo i le 2011.

O le a aofia ai le toe “feteleina” o le Oval Lake, lea na lagomau ai le Purinisese i le 1997, “e manatua ai pea o ia”.

 A ua talafeagai fo’i lea galuega, ona o le tele o faitioga a se taso o tagata-kuka o Darren McGrady fa’apea, ua tia’ina lava lona tu’ugamau ma le toe amana’ia e nisi. 

O Aokuso i le 2014, na asiasi ai le ali’i lea o Darrren i le fanua lenei – ua silia i le 500 tausaga o avea ma maota o le Aiga o Spencer mo auga-tupulaga e 18, ma ia pu’eina ai nisi o ata o Purinisese Diana i lona ma’a-fa’amanatu ua ufiufi e le limu, ma lafoina ai i upega-tafa’iLagi.

Sa ia tusia ai fo’i se fe’au fa’apea: “E fa’anoanoa lava ona e foliga ua tia’ina e Earl Spencer le tu’ugamau o Diana. Fa’amolemole fa’amama ma fa’alalo le vao i le motu”.

Na ta’ua e se sui o le Aiga, sa ufitia le tu’ugamau i fugala’au ma lau-la’au ona ua leva ona “avea o se vaega o le fanua” ma o le tulaga lena sa tu’ua ai lava fa’apea e aloa’ia ai le le-solia so’o e nisi o lona tu’ugamau”. 

O le nofoaga tonu o le tu’ugamau o Diana, e le o fa’ailoaina i tagata lautele, peita’i e o’o atu i le £18.50 pauni e tagata-maimoa e asiasi ai i le fanua lenei ae le fa’atagaina i le motu lea.   

Na ulua’i se’e atu Diana ma nofoia le nofoaga tuai o le aiga mai anamua i Lincolnshire i le 1975, ina ua mae’a ona fa’au’uina lona tama o John Spencer, i le suafa o Earl Spencer. 

Sa va’aia lava la le fanua e lona tuagane la’ititi o Charles, le lona-iva o Earl Spencer ina ua maliu lona tama i le 1992, ma o lo’o ola ai vavae (la’au) e 38, e fa’amanatu fa’apitoa ai tausaga o lona soifua. 

O lo’o fuafua ina ia mae’a lelei galuega toe-fa’alelei nei, i le taimi e fa’ailogaina ai le 20 tausaga talu ona maliu o Purinisese Diana ia Aukuso 2017.

O se galuega o le a toe fa’aleleia atoa ai le 5,260 heta o togala’au o le esetete mo le isi 18 masina, ma o le a tatala fa’atasi ai ma se isi vaega-fa’amanatu i Kensington Palace, i tafatafa lava o nisi o iai ata e fa’amanatu ai Purinisese o Uelese ua maliliu. 

O le vaiaso talu ai, na fa’aalia ai e le Perenise o Harry – lea ua 31 tausaga e fa’apea, o le maliu fa’afuase’i o lona tina, ua tele ai se vaega o lona olaga ua le-atoatoa.

Na fa’aopopo mai fo’i: “Pau lave lea o le mea o le a taumafai iai, o le taumafai o lona olaga, ina ia fa’afiafiaina ai lona tina.”  

© Samoa Observer 2016

Developed by Samoa Observer in Apia