Ia aogā lou talavou
O le toatele o nisi o tatou tupulaga talavou ua tele ina iu mai ma aoga ma tulaga maualuga ae peitai ua le fia fesoasoani i matua ma faia ni galuega a le’o lena foi ua le fia saili galuega mo aiga.
O le taule’ale’a o Michael James, 19-tausaga ma ii le afioaga o Nofoalii.
O ia o se fai-faatoaga e tausi ai lona aiga ma o lana galuega lava lea i aso uma.
Na uma mai loa aoga a le alii lenei ua tonu a ii lona mafaufau ina ia nofo i le aiga e fesoasoani i lona tama mo le galuieaina o le maumaga.
“Atonu o lo’u valaauina foi lea mai le Atua o le fai-faatoaga aua o agavaa uma e amai le Atua atonu o lo’u sao lava lenei mo le tausiga o le aiga aemaise lo’u fesoasoani a ii lo’u tama i lana galuega masani” o lana tala lea i le Fofoga o Samoa.
I le maitau a lenei taule’ale’a tele suiga o le olaga ua iai nei ma ua tele vave ai lava ma le maoa’e o yupulaga talavou ua iai ne ii totonu o lo tatou atunuu.
“E iai a nisi o talavou o lo’o faapalapala lava e galue mo le aiga ae e lelei foi lea aua a oo ina fai le aiga o le tagata lava ia ae o lo’o masani lava i le tausiga o feau ma galuega o aiga.
O le fautuaga a lenei alii mo le tele o nisi o tupulaga talavou o lo’o augatata e saili ni galuega, ina ia saili nei loa se galuega ma ia vaai alofa i lou lumanai manuia.
“O le fautuaga lava lena mo le toatele o talavou faaaoga tatau le malosi ae aua le alu vale i le tele o nisi mau mea le aoga o lenei lalolagi.
“Ae ia aoga mo le tausiga o aiga aemaise o lou lava lumanai manuia ina ia una atu natua ae o lo’o mautu ma ola lelei le tupulaga talavou latou ia.