Finau pea le Minisita i le fa’amaoni ma le amiotonu.

By Fa’aliliuina e Ilia L Likou 10 April 2016, 12:00AM

Ua fa’ailoa mai ma le manino e le Minisita o Galuega i a Papali’i Niko Lee Hang lona taumafai ai lea ina ia finauina ma fa’aauauina pea  le sa’o ma le atoatoa o vaega uma i lona tula’i mai ai e avea ma Minisita.

E pei ona silafia ai o Papali’i o ia sa avea ma leo o le atunu’u i le finauina ai lea o le tonu ma le sa’o o vaega fa’api’opi’o uma i le palemene e pei ona ua mavae nei ma o lo’o i ai le manatu maualuga i le una’ia ai pea lea o lea vaega  i le itu e pei ona o lo’o ua ia tula’i mai ai nei.

 “O le a ou tautala lava i le mea e tatau ona fai,” o lana tala mai lea i le Observer.

 “Aemaise o le fa’atinoina o le fa’amaoni ma le amiotonu ma o le a le avea lo’u avea ai ma Minisita e taofia mai ai mai tulaga nei aua lava le lelei alualu i luma o lo tatou atunu’u.

 “Afai lava o a aluga a’o tula’i mai ai ma Minisita ou te filifili lava e fai ma le amiotonu mea uma”

E tusa ai ma ripoti fa’apalemene e pei ona ripotia mai ai faiga fa’api’opi’o uma i totonu o le malo , saunoa Papali’i o le a ia faia mea uma i le tonu ma le sa’o.

“O le a tula’i mai e fai le amiotonu ma o le a lava le mea o le o’o i ai o lo’o soifua le Atua  e na te silafia uma mea,

 “Tatou aga’i i luma ma fai le mea amitonu mo lo tatou atunu’u, afai lava o fuafuaga lea a le Atua i lou olaga o le a ou usitaia i ai,

O le sa o mo Papali’i i lona tofiga fa’aminisita e pei ona i ai nei o le pikiapu.

“Na ou fai i le kapeneta o a’u ou te mana’o i le pikiapu ona o galuega o lo’o o’u fa’atinoina aemaise e tele asiasiga e ao ona fa’atinoina,

“O lo’o i ai le Tulafono a le malo mo Minisita e fa’aaogaina ai ta’avale pei o le Prado..ma ou te le mana’o ou te aveina lea ituaiga ta’avale , e le’o se tete’e la, ae ou te fiafia lava a’u i le pikiapu….e le afaina i a te a’u le ituaiga ta’avale pau lava le mea ia ola,

Sa ia saunoa manino fo’i e fa’apea o lo’o ua okaina nei ni ta’avale se ono mo nisi o Minisita.

Ina ua fesiligia i le filifilia ai o ia ma Minisita e le Palemia e ui ina i ai nai feeseeseaiga talu ai, sa ia ta’ua lona fa’ate’ia ai ona o lea tulaga.

 “Ua ou te’i …ina ua laulauina e le Palemia ia ana Minisita, uma mai le Minisita o tupe, lafoga fa’apea a’u ia o lena lava, 

 “Faapea lo’u mafaufau o le a toe avea foi ma sui o le palemene…ae fa’afetai i le Atua o lana lea vala’au mo oe.

O le afioga i a Papali’i o ia o lo’o ia o lo’o ia umia ni fa’ailoga tau pisinisi maualuluga mai le Iunivesite i Ausetalia ma Waikato i Niu Sila ma o lo’o galulue so’o fa’atasi ma se tasi o Sosaiete i totonu o Ausetalia ma Samoa. 

E tusa ai ma galuega alualu mamao mo le isi lima tausaga , o lo’o ua mata’itu ai galuega mo le suavai, auala, auala laupapa, eletise ma uafu.

O le isi itu na ia ta’ua o le taumfai ai lea e tu’u fa’aitiitia le tau o le eletise ae toso mai i totonu kamupani o lo’o latou gaosia eletise mai le la.

O lea lava lona manatu maualuga o le si’itia ai lea o atina’e totonu o Samoa.

“Ou te talitonu lava, a i ai Iesu i mea uma e te faia e le taumate le manuia ma le mafaia o mea uma,

Ua 62 le matua o le soifua o Papali’i ma le faletua i a Doris Lee Hang ma e to’afa o la alo ma fanau a la fanau e to’aiva.

By Fa’aliliuina e Ilia L Likou 10 April 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>