TA’UTINOGA A SAGATO AOKUSITINO-OLA FAATA’ITA’I IA Keriso

By Fuimaono Na’oia Faasavalu Touli F. Tupua 10 April 2016, 12:00AM

O LE NAUNAU I LE OLA E FAAVAVAU MA LE SILISILI ESE O FAAMANUIAGA UA FOLAFOLA MAI MO I LATOU E TAUIVI

“Lo’u atalii e –a e lagona le naunau i le fiafia e faavavau ina ia liligi atu ia te oe mai le Lagi-ma e naunau e te alu ese mai le tapanakulo o lenei tino-ina ia mafai ai ona e mafaufau loloto i Lo’u Mamalu e aunoa ma se ata o le toe liliu ese ai-ia e loto tele ma talia le musumusuga faatasi ai ma lou moomooga.

Ia e matua tuuina atu le faafetai i le Agalelei Silisili Ese-lea lua te faafeagai e ala i le alofa e matua tele-e asiasi atu ia te oe i le alofa silisili ese-ma una’ia oe ina ia e lotomau-ma faatu ia te oe i se tulaga malosi-ina ne’i e goto i lalo-ona o lou lava mamafa-i mea o le lalolagi nei.

Lo’u atalii e-e tumau pea ona mumū le afi, ae peitai- e le alu a’e fua le aloiafi e aunoa ma le asu. E faapena foi le faananau o isi tagata-o loo mumū atu i mea o le lagi-ae le o mafai lava ona sa’oloto ai i latou- mai le faaosoosoga o mea e loto i ai le tagata.

Aua e te saili na o le mea e te fiafia ai ma aoga ia te oe lava-ae o le mea e talia ma ta’uleleia mo A’u-aua afai e tonu lau faamasinoga-e tatau ona e filifili ma mulimuli ai. O la’u tofiga e ese mai le mea e faananau i al lou loto. Ua ‘ou iloa lou mana’o-ma ua ‘ou faalogo fo’i i le tele o mea e te le malie ai.

O A’U o le Atua lea; ia e faatali mai mo A’u, se’ia o’o i le taimi e o’o mai ai le Malo o le Atua!.

By Fuimaono Na’oia Faasavalu Touli F. Tupua 10 April 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>