Talosaga a le tāma i pili aoga

Tusia Fetalai Tuilulu’u ,

61 Hits

Toleafoa Pepe Tanielu

Toleafoa Pepe Tanielu (Photo: Fetalai Tuilulu’u)

O lenei soifuaga e tofu lava le aiga ma fa’afitauli e fetaia’i ma le tagata peitai o le maua ai le fa’atalatalanoaga a le Fofoga o Samoa ma le tāma ia Toleafoa Pepe Tanielu, sa ia fa’ailoa ai le fa’afitauli o le lē lava le tulaga atu seleni i totonu lona aiga. 

Sa ia molimauina le tauagata le soifuaga ma le tele o suiga ua ofi mai i Samoa ma ua avea ma tulaga ua faigata ai le olaga. 

 “O lo’u lava ia iloa iai le soifuaga, o aso la sa faigofie mea uma ae ua alu alu lava i luma le soifuaga ma ua tauau ai lava ina lēiloa fa’avasega ona o le taugata. 

“O le uiga o la’u tala, e le na’o tasi se aiga ua fuatasi ai lea tulaga tele lava o aiga ua molimauina le soifuaga ma le tulaga faigata ua iai.  

O Toleafoa o se tāma 63 tausaga le matua le soifua mai le afioaga o Siusega ma o lo’o nonofo fa’atasi ma lana fanau to’a fa. 

“O si o matou aiga e to’atasi lava le tagata faigaluega na’o si o’u to’alua lea ma o lona totogi e maua le vaiaso e na’o le $80. 

“Mai lana fa’asoa e le taitai ona gafatia ia mea fai le aiga ae maise o le aoga le fanua. 

O se tasi o mafatiaga o lo’o nofo nei  ma tāma ia Toleafoa o le pili aoga a se tasi o ona atali’i i le aoga Malini i mulinu’u e ta’i $800 le pili i le kuata. 

“Ou te ta’utino atu e le taitai lava le fa’asoa ma sefe se tupe mo pili aoga le fanau aua foi na’o le $80 le totogi e uma lava i lesi aso e soso’o ai. 

“O lea lā e talosagaina ai se fesoasoani i se tasi na te sponor ina le aoga a le atali’i nei ona o le mativa lava ma le lē tagolima o si o matou aiga nei. 

“E ui lava i le tele le mativa ma le taugata le soifuaga e taumafai lava i le mea e gata ai le mafai aua lava se lumana’i manui o fanau ae le gata i lea o le aiga.

“O la’u foi ia titilo iai, o le taugata lava o le soifuaga e ala ai le matitiva ai aiga ma tele lava ina le lava ai le fa’asoa i mea e fai.  

O le manatu foi i le tāma ua le faigofie le su’eina o le seleni i lenei vaitau, o le tulaga lava i le sa’iiliin ao le tupe ua fai si faigata, ae pau lava lona fagona o se fesoasoani i le pili aoga si ona atali’i. 

© Samoa Observer 2016

Developed by Samoa Observer in Apia