E matua’i o’u tete’e i aia tatau a fanau – Sisigafu’a

By Vatapuia Maiava ma Ilia L Likou 09 November 2016, 12:00AM

O lea le finagalo fa’aalia o le tamā i a  Sisigafu’a Loli, 58 le matua o le soifua o Vaitele-Uta ma Nu’u-Fou.

E afea e le Fofoga o Samoa le tamā i le aso ananafi o lo’o galue i se tasi o fanua o lona aiga i Nu’u Fou ae o lo’o aumau i atunu’u i fafo.

“Ia o a’u ou te nofo i Vaitele-Uta, ia o le o’o mai fo’i i’inei i lenei fanua, ia o le taumafai lava e fa’amāmā le fanua o se tasi o o’u tei o lo’o i fafo, ia ma tōtō ai nai fuāla’au ‘aina e fa’aaoga mo matou ma le aiga.

“Ia o letulaga lava i le amataga mai o le olaga faigaluega e pei o aso la sa pei e usita’i lava i matua, tusa po o le a le matua.

“O le faiga o fe’au e le tau fa’atonua fo’i lele, ia  ae o le talutalu fou lenei i la’u titilo, ia ua i ai le fa’aupuga fo’i lea o le aia tatau a tamaiti.

“Ia e matua’i le sa’o lava i la’u fa’alogo, e pei ua fia fa’atino  le tele o itu lelei na omai ai matua aua o le a le matua e tuli lava i le amo, po o se ma’a aua o le alofa lea...ae ua faigata lava.

“Aepeita’i o nei  aso e pei a tau ita atu e taumafai lava e aua ne’i ita tele...ia o le tu lava i luga ua alu ese i lavelavea se isi se tulafono, ia a uma ua toe fo’i le fale ia ua sologa lelei fo’i mea uma.

 “O a’u lava ia e ese ma lo’u tete’e i lea tulaga e pei ona tau fa’ailoa mai e i ai le aia tatau a tamaiti, ia o la aso pe ova le 20 tausaga o lae  fa’alogo lava i matua.

“O lea la e fiu e tatai tamaiti i tua, ia ua leai lava ua amata ona leiloa e tamaiti le va ma matua, pe a vaivai le fa’atonu, ia o le mea lea e maua a ova le tiga o le ulu o le oso o le pasi sau i uta nei.

Na ia fa’ailoa o le vaifofo lava pe a tele ni vaega e le talafeagai i le silasila ai i totonu o le aiga – o le alu ese ma le fale mo sina taimi.

“Ia o lea la e taunu’u mai nei o lea ou te nofonofo ma titilo atu i le vao, ia o le aiga o lo’o sologa lelei mea uma.

“Ia o le olaga lava lea o le Samoa lava ia, ole  va’ava’ai so’o se itu e lelei ma aoga mo le tausiga o le aiga, ia o le tulaga lava ia  o le tausiga o le aiga, ia o lea fo’i ua nofofale le taimi lenei aua ua faigaluega tamaiti.

“Ia aua o le olaga sa i ai sa faigaluega, o le atina’eina lava o le aiga , e maua lava nai seleni ma fa’asoasoa mo le tausiga o le aiga.

“O lo matou aiga, ia o le tulaga lava ia , i la’u titilo ma le maitau fa’apenei, ou te lagona le le fiafia i le le tutusa o tagata, ona ou sau lea fai se galuega e alu ese ai le tiga o le ulu, ae tu’u ai pea latou e nofonofo ai le fale, pe la ni fanua e tetele e fai atu ai nisi galuega.

“Ia a feala ifo le lo’omatua ma tamaiti e fai vaili ga utu , ia ua le fetaui i la’u titilo ia tu loa i luga oso le pasi ma sau loa i uta nei.

By Vatapuia Maiava ma Ilia L Likou 09 November 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>