E ono mata’utia ni moliaga o le Ave-taavale

Tusia Pai Mulitalo Ale ma Faaliliu e Seagaitumua Tupuola ,

203 Hits

FAALAVELAVE  TAU LE AUALA TELE : Ona pau lea  o le mea o totoe o le Queen Patsy ina ua mavae se faalavelave tau taavale i le lua vaiaso talu ai.

FAALAVELAVE TAU LE AUALA TELE : Ona pau lea o le mea o totoe o le Queen Patsy ina ua mavae se faalavelave tau taavale i le lua vaiaso talu ai.

O se avetaavale e 34 tausaga le matua o le pasi o le Queen Patsy lea na lavea i le lua vaiaso talu ai e ono feagai ma ni moliaga mata’utia, e pei o le fasioti tagata poo le fasi tagata pa’i valea.

Ae o le matuia o moliaga o le a faavae lea i luga o suesuega ma le tulaga o faamatalaga molimau ua uma ona tuufaatasi. E tusa ai le Alii Ofisa mo Nusipepa a Leoleo, o Su’a Lemamea Tiumalu-fai mai a ia e le’i malosi lava le avetaavale mai manu’a ma e le o i se tulaga lelei.

“O moliaga e ono mafai ona tuuina atu i lenei vaiaso, ae faalagolago lava i le tulaga o le avetaavale,” o le faaaliga lea a Su’a.

O lea faalavelave na tupu i le ala Kolosi o le atunuu pe tusa o le 4 i le 5 i le afiafi o le aso 22 o Iulai.

O loo i ai le talitonu sa tauaveina e lea pasi le sili atu i lo le 50 o le pasese ma e tusa ai ma isi molimau, o loo tuua’ia e faapea sa alu saoasaoa lea pasi ma ua le mafai ai e le avetaavale ona faafoe.  

O lea faalavelave na maumau ai le ola o se alii e 30 tausaga le matua o Siumu ma manunu’a ai le sili atu i le 50 o le pasese.

© Samoa Observer 2016

Developed by Samoa Observer in Apia