O LE MAU A PULE-THE MAU MOVEMENT

130 Hits

Tapena ma Tuufaatasi e Fuimaono Na’oia Faasavalu Touli F. Tupua mo le Samoa Observer

Ana faapea e talafeagai polokiki a le Mau ma le vaai a le Malo, semanu e vave ona maua e Braisby se faiga fou o gaoioiga faa-polokiki e mata’itu ai le Tulaga Lautele o le Malo, e tusa ai ma faiga a Siamani.

O Tesema 1934-na faiavā ai Alfred Matthes, o se tagata sa nofo i Samoa i luma mai o le Taua Muamua o le Lalolagi-i se tama’ita’i Toga, ma faatuina ai se vaega a tagata Siamani ua leva ona nonofo i Samoa-ma faaigoaina o le “Samoan Nazi.”

O lana komiti laititi sa aofia ai se tagata Siamani na faaipoipo atu i se tama’itai Siū-ma o le to’alua e pulea ni faatoaga se lua-na faaipoipo atu i tagata Samoa.

I le taimi muamua-sa maua e Braisby le uiga ese o lea faalapotopotoga-ma na faamauina ai i totonu o se lipoti-e faapea ua vave ona latou feagai ma ni faafitauli-o le latou maua lea-ua le faamalieina e a latou fanau tulaga masani faa-Ariana e pei ona mana’omia e Perelini ni Nazis lelei-ona o latou matua-o tagata Polenesia, o se tasi lea o faaupuga a Braisby.

Ina ia mafai la ona fo’ia lenei faafitauli- e tele ni talanoaga sa fai i le va o tagata o le Nazi Samoa-ma fuaitau na fai e faasino i le tele o pulega tau tagata-faatasi ai ma le faamoemoe e faaleleia ai- e faapea o tagata Polenesia-e le talafeagai ai pe a fua i o latou lanu -e faapea o tagata uli.

E aliali mai o loo latou feagai ma se faafitauli e tusa ai ma lenei mataupu, ae ua aliali mai e matua taua tele lea mataupu ia i latou pe a fua i le faigata o a latou galuega, talanoa ma le aafia ai o le ‘ava malosi i totonu o a latou taumafaiga.

O i latou o ni tagata finau. O le ‘auga o lenei talanoaga uiga ese-o le mata’ituina lea o le fiafia uiga ese o le vaega o le ‘German Concordia’ ia e mafai mo sina taimi ona faatatauina- e le o se vaega a le Nazi.Mo sina taimi puupuu mulimuli ane ai-sa tuuina atu e lea vaega a latou faamatalaga molimau i Perelini e faapea o tagata Polenesia-e moni lava- o tagata Ariana.

E leai ma se upu e tasi pe na talia e Perelini lenei mau, e ui lava ina foliga mai e le o se mea lea e talia gofie. Na iloa e Hart gaoioiga a le Nazi i totonu o Samoa i taimi amata-ma e ui lava e le o se faamata’u lea e tusa ai ma lana vaai i le puipuiga o le motu-ae sa vave ona ia ‘ausia ma maua se ata lautele o Adolf Hitler.i taimi amata o le 1935-sa mafai ona ia vaaia se taua e le ma’alofia mo Siamani-ma ona o lea mafuaga-sa naunau ai o ia e tuua Samoa-ina ia maua e ia se tulaga-e mafai ai ona ia auai.

Sa faamanuiaina lana taumafaiga ina ua toe tofia o ia i le 1936 e taiulu i le savali o le ‘Imperial  War Graves’ i Aikupito. Na ia ave lana togiga ina ne’i mana’omia. O le 1939 na toe tofia ai o ia i totonu o le Fitafita.

O Aokuso 1936 i Ueligitone o le amataga lea o le popole i le i ai o le Nazis i Samoa ma sa faailoa atu ia Turnbull ina ia mata’itu i latou-ona o loo i ai se “lagona e faapea atonu o loo i ai se tulaga faigata- ona o le ono mafai ona usui i latou e faiga mataga a Hitila i totonu o Siamani. O Braisby lea ua i ai lona igoa- o le iloa o mea uma- o loo faagasolo i totonu o Samoa, na ia lipotia e faapea o Iulai 1938 sa matua faatetele ai le malosi o le Nazi.

I se tasi o fonotaga na latou faatinoina-sa auai ni tagata Samoa se to’asefulu. Na tuuina atu e Matthes se tusi fai mai a ia- e mai ia Hitila lea fai mai ua ua folafola atu e Fuehrer i tagata o Siamani- le toe faafo’i atu o le latou kolone muamua i le Kirisimasi. “O le mea na tupu i le Rhine Valley o le a faapea foi ona toe tupu ia Samoa ma Niu Kini.”

Fai mai Matthes, “i se aso e le toe mamao atu, e tusa ai ma lea tusi na ‘ou maua mai ia Hitila. I le taimi o le faalavelave i Munich i le 1938, ina ua manino mai le ono tulai mai o se taua, sa fuafua e le Samoan Nazi-e pu’e faamalosi faalapotopotoga autu a le malo ma faasalalau le fe’au a le Nazi i le Pasefika. Na latou iloa e faapea o le nofoia o Samoa e le Nazi-e na o ni nai aso lona umi, ae ua matua sauni-ina ia manumalo i se taumafaiga mo le Fatherland.

Na iloa e Braisby  lea fuafuaga ma sa auina atu faalilolilo Leoleo i nuu i tua e fai a latou faataitaiga i le Fana Taavili o le “Lewis” Ina ia mafai ai e Neville Chamberlain ona faatoa-filemu i lona taimi. Na faataape le Samoan Nazi e Perelini ia Aperila 1939 ina ua gau mativa Matthes ma faamalosia ai le Konesula a Siamani i Ueligitone ina ia talosagaina Niu Sila mo se fesoasoani e toe faafo’i atu ai o ia i lona atunuu.

O le Kalapu Tele o le Concordia Club, e ui lava ina e le o se faalapoopotoga aloa’ia a le Nazi Party, ae sa mautinoa lelei lona tulaga. Ina ua asiasi mai i Samoa le Konesula mai Ueligitone i le 1937-na ia lipotia e faapea o le fale o le Concordia i le Ala i luga o le Sami -ua matua foliga mai o le “National Socialist” faatasi ai ma ata o Hitila i totonu o potu uma lava ma se Fu’a Tele a le Nazi- o loo faalele i luma o le fale.

Ae peitai-o le manatu o le Konesula e faapea- ua tagofia e Niu Sila le mataupu atoa e uiga ia Samoa ma le alofa, ma e ono faatatauina o le a tuuina atu e Niu Sila le manitete e aunoa ma le “matua faatosinaina.” Ae peitai-fai mai a ia- o loo i totonu o Samoa “ituaiga uma o tagata eseese” ia o loo filo i tagata o Siamani ia o loo “faaalia ai le faafitauli atoa- o faiga a Siamani ia Samoa.”

Ina ua pa o le Taua Lona Lua o le Lalolagi-o le faitau aofai o tagata Siamani i totonu o Samoa, e aofia ai Nazis-sa avatu i le Somes Island i totonugalemu o le taulaga o Ueligitone. Mo se tagata e to’atasi o le Nazis-o Rudolf Berking (o le aofai o tagata auai e 3603860).

O lona lua a’i lea o ana taua na faaalu i motu iti i totonu o Niu Sila. I le faaiuga o le taua, na maua i faamaumauga a le Nazi o loo faaalia ai igoa o ni tagata e luasefulu o loo i Samoa-ia sa latou matua faataunuuina fuafuaga a le Nazi.

O le Taua Lona Lua o le Lalolagi na te le’i ‘alofia Samoa. O le aso 11 o Ianuari 1942-na tafana ai e se vaamaulu a Iapani Pago Pago, ma faaleagaina ai –e ese ai mai le tele o nofoaga-se fale o se tasi o nai tagata Iapani laiti sa nonofo i Amerika Samoa.

Mo le tele o masina mulimuli ane ai-sa feagai ai Samoa i Sisifo ma se tasi o mea mata’utia-ae le o se mea tele i lona tulaga lautele, le matua vevesi ina ua taunuu vaega’au a Malini o le Iunaite Setetel-i luga o se vaa na i le taulaga i Apia.

E o’o ane i le totonugalemu o le 1942, o se tasi o tagata e to’aono o Upolu-o Maligi. Ae sa le lelei ona faamatalaina lea tala, ae o se vaega taua lea i le tuufaatasiga o manatu o tagata Samoa e uiga i lo latou nofoaga i totonu o se lalolagi lautele.

O le a la le pogai o le Mau? Ma aisea ua matua pagatia ai tagata Samoa i totonu o le ulua’i luasefulu tausaga o le pulega a Niu Sila? Na ofo mai e Rowe se tali i totonu o lana tusi o le 1930 o “Samoa Under the Sailing Gods”. E leai se vaega o faafitauli a Niu Sila i totonu o Samoa na pogai mai alii ofisa ma le le lava o lo latou iloiloina o mea lelei tau sauniga a tagata.

E le o se mea e masani ai mo alii ofisa ona malaga faataamilo i le atunuu i le faagasologa o latou tiute ma faamatala-upu e le atoatoa ona lelei-e le mafai ona latou faamatalaina le gagana a tamalii-ae o tagata talavou e maua i totonu o Apia-e matua le malamalama lava i le faiga o lauga-lea latou te fiafia i ai-sa le lelei ona faatino. Sa latou manana’o e ‘aveese mea e leai se aoga ae fai le galuega. O se laasaga mulimuli lava lea e mafai ai ona fai se galuega.

© Samoa Observer 2016

Developed by Samoa Observer in Apia