Manatu o le Fa'atonu - O le lē ‘au a’oa’oina o le malo

Tusia Marj Moore ma Faaliliu Seagaitumua Tupuola ,

132 Hits

O le a se mea e tatau ona fai e lo tatou malo e faatino ai suiga o loo manaomia vave e fo’ia ai le faafitauli lea e foliga mai e le mafai ona muta e faasino i le faiga tau falepuipui a Samoa?  Se’i o tatou tilotilo la i le faiga o loo tatou faia.

Ua tele tausaga o tatou feagai ma lipoti le manuia mai puna o faamatalaga i totonu o le atunuu ma atunuu mamao, ua ia i tatou se faiga faavae tau faitoto’a taamilomilo mo pagota-ia e o mai sa’oloto i totonu ma o atu i fafo ma i’u ai lava ina fai soliga-tulafono-i taimi ao i totonu o le vaega a alii ofisa o le falepuipui, ua uma ona fai le tatou Komisi Su’esu’e –o se osofaiga mata’utia lea a le Komesina o Sulufaiga ma lana aufaigaluega ma se lisi o fautuaga e aofia ai se Aupa (o fea o i ai), e tele a tatou maliu o loo fesiligia ma manu’a i totonu o le falepuipui, o sauaga ma tuuaiga tau le faailoga tagata; osofaiga tau faiga-aiga a leoleo o le falepuipui i pagota-o nisi ua faamaonia; – talu ai nei na tatou sasa ai tala i le atunuu, itulagi ma tala fou a le lalolagi i se tala mata’utia o le leaga o le pulega, le agavaa ua mafua ai soligatulafono mata’utia o le toso teine lea e o’o lava i lo tatou Palemia e le mafai ona fulitua i ai.  

Ona tatou maua lea o ni folafolaga. 

Toe sau i le tausaga fou ia Iuni, o lana una’i lea i le tusitala o le 60 Minute-lea e le tusa ai ma nusipepa a le atunuu, sa le mafai ona tosina ai ina ia faate’a i le leai o ni tali ma ni faaupuga uiga ese.

Paga le tulaga uiga ese o le iloa e faapea e uiga i turisi ma lona i ai i se nofoaga sese i le taimi sese ae o le pagota mata’utia lea sa toe i ai foi i le nofoaga sese i le taimi sese, 

O le a ‘ea se mea ua tatou le maua? 

E leai lava se tatou gaoioiga ua faia ina ua mavae nei tausaga e tele ma i le taimi nei, o lea ua tatou iloa e faapea ua le gata ina tuuina mai e le Malo na o le tasi o vae sefulu o le tala o le tupe e 10 miliona tala lea e manaomia e fau ai lenei nofoaga fou. 

O le mea lea-o le tala o le tupe lea na tatala mai i tua talu ai nei, o lea ua tatou iloa ai-e le o ia i tatou se tupe e fau ai lenei nofoaga ae o lea ua una’ia tatau ina ia toe asiasi mai i le tausaga fou. E le o ia i tatou se ata ua faamaonia e le Kapeneta.

.E le o lava se aufaigaluega aoaoina o ia i tatou poo se tala o le tupe faaopoopo e totogi ai latou. 

O loo tatou faalagolago i talosaga ma tagata alolofa mai, e pei ona faailoa mai e lo tatou Minisita e tumu i le famoemoe o Tialavea Tionisio Seinafolava. E ma’eu le manaia.

O le toe ta’ua o le amataga o le Iunivesite Aoao o Samoa lea e faapea na amata i le lima tala, e foliga mai ua misi ia te ia se mataupu itiiti ma le taua. . O le amataina o se iunivesite o se galuega lelei lea. O Tagata, tagata alolofa ma le ‘au-faau’u, o faia’oga e fiafia e faafeagai ma sea galuega, latou te vaaia le taua, le lumana’i ma afai o oe o le Palemia i aso nei, e le o se tofi tuufaasolo lelei lea e te fia maua?  Ae o se falepuipui?  E le faapena. 

Tusa lava pe o ta’ua sese o le isi lea faalapotopotoga tau aoaoga a Samoa, ae le o se mea lelei, o le mea moni lava e matua le lelei ma ua tele aso o taatia..O le mea lea-ina ua mavae ni tausaga ae le o maua lava ni tupe mo le falepuipui ma le faiga tau falepuipui-e le o se mea lena e faapea e le talafeagai ai pe a fua if ale faapena o le tolu senituri ua mava, o lea faatoa tatou amata ona saili se tupe mo lea faamoemoe. Ma matou te mafaufau pea pe aisea ua le mafai ai e lo tatou Komesina o Leoleo i le tele o tausaga ona tauivi ma i nisi itu-sa matua le faamanuiaina lava ma maumau ai o latou tulaga, ina ia tuu ai pea le tapuni i luga o lenei manu’a telē? 

E oso ai lou fia tagi pe a e mafaufau i le miliona ma miliona o tala ia sa faaaoga sese  i le tele o tausaga i le ‘pai i le vanimonimo ma uafu e leai se aoga, fale tetele ona sosoo ai lea ma le le mafai e le malo ona ta’u le mea moni ma ia noatia tagata taitoatasi ma vaega ia sa i totonu o le pati o loo pule le malo ma tulaga o le pule i totonu o le malo ina ia mautali atu. Paga le faanoanoa i le taofi faatasi o vaega faa-polokiki ma i totonu o le paoa ua sili atu ona taua i lo le aveese o tagata gaoi ma i latou o loo faaaogaina tupe a tagata totogi lafoga.. 

O nisi o nei tagata e matua tatau lava ona i totonu o lenei faalapotopotoga o loo matou talanoa atu i ai.

© Samoa Observer 2016

Developed by Samoa Observer in Apia