O tinā o le ola o aiga

By Vatapuia Maiava ma Ilia L Likou 07 October 2016, 12:00AM

“O i matou o tinā ia o le ola lea i totonu o aiga” o le finagalo lea o le tinā i a La’aloi Galumalemana i le fa’atalatalanoaga ma le Fofoga o Samoa i le aso ananafi.

O le tulaga i le pisinisi  i le taimi lenei ia o lo’o fesoasoani tele mo le tausiaina o le aiga aemaise le fanau aoga ma mea fai o le aiga.

“E moni lava e le tele i le aso ae o lo’o maua lava sina tupe i lea aso mai lea aso mo le aiga e pei o le itu pito sili lea ona taua.

“Ia o le tulaga i nu’u ma ekalesia ma tupe e fa’aalu ai , ia o le iloa lava fa’asoa le tupe ma fuafua tatau lelei.

“E le o aso uma e lelei le fa’atau ae tele mai fa’alavelave, ia e fua lava i le malosi, a sau lava ua fetaui ma le tupe le fa’alavelave ia o lena la, ia a leai fo’i ia ua fa’apasi ae ave le fa’amuamua i isi vaega. 

O le fa’amoemoega tele lea o  le pisinisi a La’aloi e mo le tausiaina lava o le aiga i aso uma.

“O le tele lava o tupe fa’aalu o le pisinisi o aiga aua o le auga lea ma le fa’amoemoe o nei mea uma.

“Ia o le taimi lenei e leai se isi o faigaluega o le aiga, ae pei o lea le pisinisi o lo’o taumafai atu ai lona atina’eina i le tele o taimi ma  vaega e fia mana’omia“Ia o le poto lava o le fa’asoa i le tele o taimi, aua o lo’u ia iloa i ai ia o le auga lava lea ma le fa’amoemoe o nei mea uma.

“Ou te iloa lava e a’u ia o le tupe tele lea o lo’o fa’aalu e le pisinisi o totonu o le aiga aua o fanau aoga, o le tausiga o matua, o fa’alavelave ma le anoanoa’i lava o lo’o feagai ai i aso fai so’o.

“Ia o le taimi lenei o lo’o telē lava se miti o lo’o o’u mafaufau i ai ia o le fia fa’atauina lea o sina fasi fanua i Savai’i nei aua a’u ma le aiga.“E pei o lea le talotaloga o lo’o i ai ia vave mai se aso e agalelei mai ai le Atua mo a’u ma le pisinisi nei.

“Ia ma fa’ataunu’u ai mana’oga o lo’o o’u fa’amoemoe i ai.

By Vatapuia Maiava ma Ilia L Likou 07 October 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>