O tupe lava ua talanoa ai aso uma

By Ilia L. Likou 09 May 2017, 12:00AM

O le talitonuga o le ali’i talavou i a Nu’u Aufale o le afio’aga o Falefa o nei aso ua le toe faigofie le taumafai ai lea e su’e galuega aua le tausiga o aiga.

Na maua le avanoa o le Fofoga o Samoa ma Nu’u o lo’o fa’apea ona aga atu i nisi o galuega o le taeao aua lava le tausiga o aiga.

 “Ia e mo le silafia o a’u na uma aoga i le Vasega 12, e pei o lea la sa amata ai loa ona va’ava’ai mo se galuega aua lava le tausiga o le aiga.

 “Ia e pei o le fa’afitauli muamua lava, o si o matou aiga e leai se isi o faigaluega ma e pei o le ala lava lea o le manatu ai e su’e se galuega.

 “O le itu mautinoa lava, o le mafua’aga lava o nei mea uma ia o le tausiga lava o nai aiga aua ua le toe faigofie nei aso.

 “Ia e tele lava  nisi o galuega o lo’o fa’apea ona fesoasoani ai i nai aiga, ma o se itu i lo’u ia iloa i ai o le va’ai itu e mafai ona fesoasoani a i i aiga.

“O le tele o aso ia ou te alu fa’atau fa’i ma talo aua lava le tausiga o le aiga, e pei o lo’u ia iloa i ai, o lea lava le tulaga o lo’o ua alo i ai le tele o nai o tatou aua se tupe fa’asili i aso uma.

 “I a te a’u ia e pei o le galuega o le itu e pito sili ona matua’i mana’omia i le taimi lenei aua lava aiga, e moni lava i fa’ato’aga ae a tutupu mai fa’alavelave e pei o le tupe lava e  tau’apa’apa i ai.

 “O lo’u iloa i ai, e tusa lava pe le’i lelei fo’i le tulaga na o’o i ai a’oa’oga ae o le itu sili ona taua o le maua lea o se galuega.

 “E pei ona ta’ua muamua ole a lava le taumafai e fai o so’o se itu e fesoasoani ai i aiga ae a leai lava se tupe ia e faigata lava mea uma.

 “I a te a’u lava ia, e i ai taimi e misia ai lava aiga, pe a o’o lena i le taimi e fai ai lava le aiga, ae pei o le olaga e fa’apena lava, e te fa’alagolago lava oe i a te oe i au mea e fai.

E mafai ona maua se feso’ota’iga ma Nu’u Aufale i le numera o le telefoni 7207320.

By Ilia L. Likou 09 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>