Falepuipui i le Toso faamalosi o se teineitiiti e 12 tausaga le matua

By Pai Mulitalo Ale 01 September 2016, 12:00AM

O se alii e 21 tausaga le matua o Faafetai Mafuie-na faasalaina i le falepuipui mo le valu tausaga ma le valu masina-i se moliaga e tasi o le tosoteine, sauaga ina ia fai ai se sauaga tau feusua’iga ma se fesootaiga tau feusuaiga ma se tagata talavou.

O lē tu’ua’ia na tula’i i luma o le Tamaitai Faamasino o Tafaoimalo Leilani Tuala Warren mo lauina o lona faasalaga. 

O Ofisa Tagaloa na tulai e fai ma sui o le Ofisa o Moliaga a le Malo ae  leai sui o lē na tuua’ia.

Na tuuina atu e le faamasinoga se poloaiga e taofi ai le faalauiloa o le igoa o lē na afaina, ae ui o lea-sa le aofia ai lē na tuua’ia.

E tusa ai ma le Otootoga o Mea Moni a leoleo, o Mafuie ma lē na afaina-e tuaoi ma o le po o le aso 14 o Iuni 2016, na toe taliu atu ai le tamā o lē ua afaina-sa fagota. Na ia auina atu lona afafine (lea ua afaina) e ave se taga i’a i le pusa ‘aisa a lo latou tuaoi. 

Ina ua toe fo’i ane i lo latou aiga, na faaaoga e lē ua molia le savali to’atasi o lea teineititi  i le pogisa, ma toso atu o ia i totonu o le pupu-vao.. Sa taumafai lea teineitiiti e faataiŏ-ae na tago le ua tuua’ia pupuini lona gutu i se solo ma faalua ona fai se osofaiga tau faigā-aiga ia te ia. Na lagona e lē na aafia lona tamā o tauvalaau mai lona igoa-ae ua le mafai ona valaau atu ia te ia ona o lona fefe. 

.Ina ua mae’a ona faamalosi o ia e lē ua tuua’ia, sa mafai ona alu atu i lo latou aiga ma ta’u i lona aiga le mea na tupu. 

Sa lipoti atu loa le mataupu i Leoleo.  

Na talia e Mafuie le Otootoga o Mea Moni ma faato’ese ai lona e tusa ma le mea na ia faia i lē ua afaina. Sa le sagatonu lo’u mafaufau i lea po, talu ai lo’ou onā.” Ou te faato’ese atu i le aiga o lē ua afaina mo a’u mea sese na fai,” o le faaaliga lea a Mafuie. O lē ua tuua’ia o le ui’i lea o ni tamaiti se to’afitu ma o loo nonofo o ia ma ona matua. Because of this incident, he was fired. Na ia tuua le a’oga a’o Tausaga 10 ma sa faigaluega faa-inisinia a’o lei faigaluega e avea ma faifaiva i luga o le vaa fagota. Talu ai lenei faalavelave, ua faate’a o ia mai lana galuega. E tusa ai ma le Lipoti a’o le’i faasalaina a le Ofisa o le Faanofo Vaavaaia, o le uso matua o lē ua tuua’ia-sa lagolagoina o ia ma fai mai o ia o se tagata faafuatuaina o le latou aiga. Na  faaalia i le Lipoti e faapea e leai se faaleleiga ma le aiga o lē ua afaina. Fai mai le Tamaitai Faamasino o Tafaoimalo-o lea tulaga ua faaalia ai e leai se salamo o le ua tuua’ia i le mea na tupu.  “Sa onā o ia, ae le o se mea lena e ‘alo i ai,” o le faaaliga lea a le Faamasino o Tafaoimalo.

O lea teineitiiti ua afaina o loo i lalo o le vaaiga a le Faalapotopotoga mo e Puapuagatia, ae na ia faailoa atu i le vaega o moliaga e faapea ua popole o ia ona o le mea ua tupu. Ina ua ave o ia e le ua tuua’ia i lea po, sa na iloa e i ai se mea o le a tupu ia te ia ma sa fefe o ia.

Sa tagi o ia ma na lagona le tiga ma na lagona lea tiga i le faagasologa o le vaiaso atoa,” o le faaaliga lea a le Faamasino o Tafaoimalo.” 

.E tusa ai ma le Victim Impact Report, fai mai a ia-na vaai ia te ia i le taulaga ma sa fefe o ia ma mana’o ia loka loa oe. 

 “E le’i faamagaloina e lea Tamaitai o ia (lē ua tuua’ia).” Sa faailoa atu e Tafaoimalo i lē ua tuua’ia e faapea o lea teineitiiti ua afaina, o le mea o loo sili ona manaomia  o le puipuia lea. 

“(O Soligatulafono e faasaga ia i latou ia) e laiti-ua faatatauina o se gaoioiga lea e sili ona mata’utia; o tamaiti e sili ona lamatia ai.” 

Sa faailoa atu foi i lē ua tuua’ia e faapea o ana faiga sa fuafua lelei, talu ai –ua leva ona matamata o ia i ata video leaga i lea po ma o lea na ia faaaogaina ai lona i ai toatasi i le pogisa.  Fai mai le Tamaitai Faamasino o Tafaoimalo e faapea o le faasalaga tau le puipuia sa iloiloina ona o le mata’utia o moliaga ma le tulaga lamatia o lē ua afaina ai-i le po o le faalavelave. Mo le aloa’ia o lē ua tuua’ia, sa aloa’ia e le faamasinoga lana ulua’i ioeina o lona solitulafono e avea ma mea e tasi e lauiliuina-talu ai-e faasaoina ai lē ua afaina e 12 tausaga-mai le toe manatua o le tiga na ia uia i le po o lea faalavelave. 

Sa faaaoga e le Tamaitai Faamasino o Tafaoimalo le 13 tausaga e avea ma laasaga amata mo le moliaga o le tosoteine.Na ia to’esea le fa tausaga ma le fa masina mo le vave o lona ioe i lona nofosala-ma totoe ai le paleni e 8 tausaga ma le 8 masina mo le moliaga o le toso teine. Mo moliaga tau fesootaiga tau feusuaiga ma se tagata talavou ma le saua ina ia faatino se solitulafono tau feusuaiga, na tuuina atu le na tuua’ia i le falepuipui mo le fa tausaga e tuli i le taimi nei.

By Pai Mulitalo Ale 01 September 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>