Ulufale atu Misa Iuli Anae i le Malae o le Faalagā-maea tau Polokiki

09 February 2016, 12:00AM

Tusia - Deidre Fanene

Faaliliu e Seagaitumua Tupuola

 

Ua talia e Misa Iuli Anae mai Falelatai le lu’i e tauva ai i le faiga-palota a le atunuu ia Mati. O lona naunau e tauva I le palota e afua mai lona onosa’i ma le “alofa mo le itumalo o Falelata ma Samatau. 

I le avea ma Taitaifono ma le taitai o le nuu ma le ekalesia, e talitonu Misa o le taimi tonu lenei mo ia e avea ai ma sui o lona itumalo. “Ou te talitonu o lo’u taimi lenei,: o lana faaaliga lea. “E le gata o lo’u valaauina mai le Atua, ae o le valaauina foi mai lo’u itumalo. 

“Ua leva ona ‘ou mafaufau e tauva i le palota mo se vaitaimi umi e o’o lava i le taimi sa avea ai a’u ma faamasino, ae sa ‘ou manatu e le o le taimi sa’o lea mo a’u. 

 “O le mea lea-ina ua tuuina mai ia te a’u e lo’u nuu le faaaloalo, o le taimi lea na ‘ou iloa ai o le taimi sa’o lenei mai le Atua.”

 “I le avea ma ta’ita’i o lo’u nuu-ou te talitonu o le avea ma Sui Usufono o le Palemene (faipule) o le a fesoasoani lea ia te a’u i le faiga o faaiuga i tototonu o le nuu, ekalesia, itumalo ma le aiga.”

Fai mai Misa ua matua mitamita o ia i lona nuu ma le itumalo ma o lea na afua mai ai le manatu ina ia ati a’e ma fesoasoani i le nuu. “Ou te loto ia faagasolo i luma lo’u itumalo,” o lana faaaliga lea. “Ua loa ona ia te a’u le loto e lelei mo isi tagata talu mai lena taimi.” 

“Ma ua matua tele lo’u mitamita i lo’u nuu. O le mea lea-o iina e afua mai ai lo’u mana’o e fai le mea sili mo o’u tagata ma ati a’e lo’u itumalo.”O lana vaai o le avea ma Sui Usufono o le Palemene o le a fesoasoani lea ia te ia, fesoasoani i tagata ma e talitonu o ia o lea lava tulaga na o ia lava, e le mafai ona ati a’e ai se itumalo. “O le avea ma Sui Usufono o le Palemene e mafai ona talaia ai faitoto’a i avanoa mo a’u ma lo’u itumalo.” 

Fai mai Misa e tatau ona ia iloa mea e aupito i sili ona manaomia e lona itumalo, ona fesoasoani lea o ia i ia mea. 

 “O le tulaga o se Faipule, e le tatau ona manatu faatauvaa i ai tagata ia e manatu o lenei tulaga e mo i latou e maua aim ea, poo le alu I ai e tafao solo ai, poo le maua mai ai o ni mea,” o lana faaaliga lea.

“O le tagata na te tauaveina lea tofi e tatau ona matua manatu mamafa i manaoga o tagata ona taumafai lea e galue malosi i ia mana’oga ina ia manuia tagata.  “E tatau i lea Alii/Tamaitai ona tilotilo i ala e manuia ai tagata o lona itumalo ma le itumalo ona ave lea i le pulega-malo ina ia mafai ai ona latou fesoasoani ia i latou.”

Ma ana fuafuaga pe afai e manumalo.

.Fai mai Misa o le a tilotilo i mea e manaomia e lona itumalo ona tulei lona lea o ia mana’oga. “Ou te le tau faamatala atu soo se mea talu ai ua iloa e lo’u itumalo le tagata lea e mafai ona fesoasoani ia i latou ma tumau pea ona lagolago ia i latou tusa lava pe o le a le mea e tupu.” Ou te le o popole, ae pei lava ona ‘ou faaalia muamua, o lenei faaiuga na tuuina mai e lo’u nuu ma o le pogai lea ua ‘ou talitonu ai –latou te le faia ai se mea e ta’uvalea ai a’u.” 

. Ua faaipoipo Misa ia Nana Anae. E to’aono o la alo.

09 February 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>