Leai se suavai maua

By Ilia L Likou 09 January 2018, 12:00AM

O se tulaga faigata tele  o lo’o ua feagai nei ma le tele o aiga o lo’o alala i Falemauga, Aleisa.

O lea le tulaga na fa’ailoaina e Puniala Lupe, 42 le matua o le soifua  i le fa’atalatalanoaga ma le Fofoga o Samoa i le aso ananafi.

Na ia ta’ua o le tausaga 2010 na o latou nofoia ai lea vaega ole atunu’u.

“Ia e pei o le fa’afitauli muamua lava o le leai lea o se suavai maua, ia e pei ona outou maitaua maia ua fai si leva ona matou feagai ma lea tulaga.

“E leai lava ma se tasi o tatou tagata e leiloa le taua tele o vaega nei mo le lelei alu i luma o aiga, o se itu taua e tatau lava ona silasila ai le taimi lenei ona e fai lava sina faigata.

“O le tele o mea fai totonu o aiga pe a leai se suavai.

Na maua le fa’atalatalanoaga ma le tamā o lo’o aga i galuega o le taeao i lo latou fanau i Aleisa lava.

O le isi itu na ia fa’ailoa o le leaga ai lea o auala.

“Ia e mo le silafia ai e le faigofie a o’o ina timu tele, ia ua tafe le vai i luga o le auala ma tafia ai le palapala ma faigata ai e ta’avale ona uiga.

‘E mo le silafia ai e le toe faigofie nei aso le faia ai o ta’avale ae pei o lea lava le tulaga o lo’o ua maitauina.

‘E mo le suavai lava ia e matou te o atu i nisi o aiga i lalo atu mo se suavai maua ma o se itu lelei tele lea i lo’u iloa i ai.

O ia o se ave ta’avale laititi.

‘Ia e pei o lea lava le tulaga olo’o ua tausia ai si o matou aiga, ia e $300 la’u tupe e tatau ona ave totonu i le aso, ma o se tulaga e le lava a le fa’asoa pe a maua le totogi ae taumafai ai lava ina ia ausia vaega uma.

“E pei o le ave le faamuamua mo le tausiaina o fanau aemaise o le aiga o itu pito sili lea ona taua i a te a’u   lava ia.

“O se itu taua le ave ai pea o le faamuamua, ae pei o nisi nei o vaega o lo’o ua faiagata lava i le taimi lenei i lo’u ia iloa i ai.

“I a te a’u lava ia o le itu mautinoa ia e le toe faigofie nei aso mo le silafia ai o le atunuu.

By Ilia L Likou 09 January 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>