E sili lava pulega a matai

By Sarafina Sanerivi 09 January 2017, 12:00AM

O le talitonuga o le ali’i talavou i a Smile Iopu , 22 le matua o Tufulele, e sili lava le nofo ai i afio’aga o lo’o mamalu ai pulega a ali’i ma faipule. Ina ua maua le fa’atalatalanoaga ma le Fofoga o Samoa na ia fa’ailoa le tele o se sao o pulega a ali’i ma faipule mo le ola tuputupu a’e o fanau aemaise lava o tupulaga talavou.

“Ia o le taimi lenei o a’u o lo’o o’u aoga i le Papaigalagala ma o lo’o ave ai a’u mataupu ma o se agaga fa’afetai ai lea ia o lea ua fa’atali e fa’au’u i le tausaga lenei.

“O le taimi lenei i a te a’u ia e pei lava o le taumafai e su’esu’e se galuega aua le tausiga  o aiga aemaise o matua na o latou tautiga mai le fia o tausaga mo i matou ma a matou aoga.

“O se itu pito sili lea ona fa’ataua i lo’u iloa i ai le taimi lenei, ma o se fiafiaga tele lea.

Na ia fa’ailoa o le ma’ea atu ai o aso fiafia na feagai ai ma le fa’aiuga ma le amataga o le tausaga lenei na sologa lelei mea uma.

“Ia sa matua’i fiafia fo’i le to’atele o si o matou pitonu’u i le tele o le mau fiafia sa faia aemaise lava i le Kirisimasi.

“E tele vaega na mafai ona fa’atinoina i si o matou pito, aemaise lava i mafutaga fa’aletinā, ia o a latou fiafia na fa’atinoina.

“E leai nisi na soona onana, ae pei na filemu vaega uma ma na molimauina le tele o le mau ta’aloga na fai.

“Aua e pei o le isi lea itu e lelei ai le vaitau ma iloa ai lona fa’amanatuina , o ta’aloga, e leai lava la se fa’alavelave ae na tau fai maua uma le fiafia e tagata e o’o lava i tupulaga ma fanau laiti.

“Ia e o’o mai lava i le asō o lo’o saogalemu mea uma ma i a te a’u ia le taimi lenei e leai se isi itu o va’ava’ai aga’i i ai le taimi lenei, ia o le taumafai loa o su’e sina galuega pe a mae’a fa’au’uga o lo’o ua alo atu ai nei,

“E le’o toe mamao fo’i, ia ae pei e fa’amoemoe lava mea uma i le fa’atasi mai o le Atua ia o le a sologa lelei fa’agasologa o lenei tausaga.

By Sarafina Sanerivi 09 January 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>